Pinngortitaleriffimmi attaveqatigiinnermi suliaqartussamik pissarsiorpugut Saqqummersinneqarfia 18.10.2022
Podcast, video, nittartagaq allakkiallu atorlugit Kalaallit Nunaanni pinngortitami isumalluutit pillugit attaveqatigiinnermik suliaqarusuppit? – isumalluutit uumassusillit aatsitassallu pillugit? Silap pissusiata allanngoriartornerinik ilisimatuutut misissuineq malinnaaffigalugu? Kalaallit Nµnaanni inuiaqatigiit, ilisimatuutut misissuisartut politikikkullu ingerlatsisut akornanni attaveqaataallutit? Aalisartut, piniartut attumassuteqartullu akornanni attaveqaataallutit? Taakku “aap”-imik akisinnaagukkit, aammalu kalaallisut, qallunaatut tuluttullu oqalussinnaaguit, taava immaqa illerpiaq Pinngortitaleriffiup atorfissaqartippaatit.
Pinngortitaleriffik Kalaallit Nunaanni isumalluutinik uumassusilinnik ilisimatuutut misissuisarfiuvoq. Pinngortitaleriffik sisamanik suliassanik aalajangersimasunik sammisaqarfiusunik immikkoortoqarfeqarpoq allaffissornermullu aamma immikkoortoqarfeqarluni. Taamatullu aamma allatseqarfiup Pinngortitaleriffimmik aqutsisut sullittarpai.
Suliassat
lllit attaveqatigiinnermik suliaqartutut ilaatigut makku suliarisassavatit:
- Tusagassiorfitsigut nalunaarutissat nutaarsiassallu Pinngortitaleriffiup nittartagaanut http://www.natur.gl -imut kalaallisut qallunaatullu allattarlugit
- Pinngortitaleriffiup paasissutissaataanik podcast imaluunniit video atorlugit nittartakkakkut aamma nittartakkatigut attaveqatigiiffinni, tv-kut radiokkullu saqqummiunneqartussanik ineri saaqataasarlutit
- Ilisimatusaatit pillugit paasissutissanik kalaallisoortunik qallunaatoortunillu saqqummiunneqartussanik ilisimatuutut misissuisartut suleqatigalugit allakkiortarlutit, videoliortarlutit assigisaannillu suliaqartarlutit
- Pisortat, politikerit, ilisimatuusartutullu suliaqartut suleqatigisaasa saaffiginnissutaannut akissutissanik qallunaatut kalaallisullu suliaqaqataasarlutit ilisimatusartartut suleqatigalugit
- Suleqatigisartakkat kalaallisut oqaasillit Pinngortitaleriffiullu akornanni attaveqaataallutit
Pisinnaasat
Naatsorsuutigaarput tusagassiornerup attaveqatigiinnerulluunniit tungaasigut ilinniagaqarsimasutit aammalu:
- Allakkiornerup attaveqatigiinnerullu tungaasigut pisinnaasaqarluartutit
- Kalaallisut, qallunaatut tuluttullu allaluarsinnaallutillu oqalulluarsinnaasutit
- Attaveqaatinut digitaliusunut innuttaasullu attaveqaataannik atuinissamut ilisimasaqassasutit
- Illup iluani avammullu attaveqarneq pillugit siunnersuisarneq
- Teknikkikkut piginnaasaqarneq
- Tusagassiutilerinermut ajornartoortoqartillugu iliusissanik ilisimasaqarnissaq
Akissarsiat atorfinitsitaanerlu
Akissarsiat atorfinitsitaanermilu atugassarititaasut, ilaatigut suliunnaarnermi angalanissamut pisinnaatitaaneq pigisallu nuunneqartarnerat, Kalaallit Nunaanni Namminersorlutik Oqartussat kattuffiullu isumaqatiginninniarsinnaatitaasup akornanni atorfininnerup nalaani atuuttut najoqqutaralugit aaqqinneqassapput.
Sapaatip akunneranut nal. ak. 40-ni sulisoqartassaaq.
Ineqarneq
Inissaqartitsisoqanngilaq
Sukumiinerusumik paasiniaaffissaq
Atorfik pillugu sukumiinerusumik paasisaqarusukkuit atassuteqarfigisinnaavat attaveqatigiinnermut pisortaq Else Løvstrøm tlf. 361200 imaluunniit e-mail ellm@natur.gl
Qinnuteqaat tiguneqarsimassaaq kingusinnerpaamik 7. november 2022.
Sulilersoqarsinnaavoq piaarnerpaamik imaluunniit isumaqatigiissuteqarnikkut.
