Ikittunnguit ajunngivissulli Saqqummersinneqarfia 01.03.2023

– Tunumi arfiviit pillugit nutaarsiassaq

Arfiviit ukiuunerani Kalaallit Nunaata ilisarnaataasa ilagilluinnarpaat, ukiuni 200-t missaanni uumanerminni, kigaatsumillu imani ingerlariaaseqarnerminnik peqquteqartumik ukiuni hundredelikkaani kingullerni ilaatigut aqqusinerni qullit orsussaqarniassammata Europamiunit piniagaalluarsimaqaat. Tunup imartaaniit Ruslandip imartaa tikillugu aallaqqaammut 25.000-it 100.000-llu akornanni amerlassuseqarsimagaluarlutik taamaallaat 300-nnanngorsimapput, uffa imartami taama angitigigaluartumi uumasuullutik. Arfiviit IUCN-p nunarsuarmi nunat tamalaat allattorsimaffiani nungutaanissamik ’navianartorsiortitaasutut’ nalunaarsorsimapput.

Ukiut qulikkaat kingulliit arfiveqassuseq siuariartortutut isikkoqaleriartorsimavoq, kingullertigut uumasorsiuut Pinngortitaleriffimmeersut maajimi 2022-mi isiginnaarsimavaat arfiviit marlussuit piaqqisimasut, Illoqqortoormiit avataani imaannarsuarmi. Arfivimmik piaralimmik kingullermik takunnittoqarsimavoq ukiut 13-it matuma siornatigut. Taamanilu ukiuni untritilinni takunnittoqarnikuunani siullermeerluni aatsaat takunnittoqaqqissimalluni, qularnanngitsumik imartani ammanerusuni piaqqami innarlerneqanngitsumik alliartortissinnaaniassamiuk tamaani piaqqisarsimassaaq. Tamaanimi nerisassaqarluarlunilu imartaa nillertuugami, soorlu kiisortut  arluttut ittut tamaaniissajunnanngimmata.

Aallerfigisat:

Tervo OM, Louis M, Sinding MHS, Heide-Jørgensen MP, Hansen RM (2023) Possible signs of recovery of the nearly extirpated Spitsbergen bowhead whales: calves observed in east Greenland. Polar Research 42. https://doi.org/10.33265/polar.v42.8809

George JC,  Bada J,  Zeh J, Scott L, Brown SE, O’Hara T, Suydam R (1999) Age and growth estimates of bowhead whales (Balaena mysticetus) via aspartic acid racemization. Canadian Journal of Zoology 77: 571-580. https://doi.org/10.1139/z99-015