*Required
*Required
*Required
*Required
*Required
*Required
*Required
*Required
Send
Thank you for your application!
 

Nattoralik toqunikoq angisoorujussuuvoq

Nattoralik toqungasoq Pinngortitaleriffimmut tunniunneqartoq angissutsimigut rekortiliingajappoq sului 2,42 m-inik isorartussuseqaramik. Nunatsinni nattoralinni rekortiuvoq 2,45 m. Nattoralinni arnavissat anginerusarmata arnaviaasoq qularutissaan-ngilaq. Timmiaq toqungasoq Berit Olesen Vangimit Qussummi Nuup eqqaani nassaarineqarpoq.

Nunatta nattoralii Europap avannaanit Ruslandip kangiani Kamtjatkamut nattoraliusunit anginerupput. Nassaaq angissusaannaagut arnaviaasoq aalajangerneqarsinnaasoq utoqqaavoq, toqussutaali ilisimaneqanngilaq. Nattoralik timimigut ajoquserneqarsimarpasinngilaq, toqunartumilli toqussuteqarsimanissaa ilimanarsinnaavoq. Nattoralik nassaarineqartoq Pinngortitaleriffimmut tunniunneqarsimaoq.

Paamiuni piniarnermut nakkutilliisup Magnus Petersen, Paamiut ungasinngitsuani nattoralik naammattoorpaa innuttaasumit oqarfigineqareernermi kingorna 28. oktober. Sunaaffa nattoralaaq, suluatalu aappaa sequmeqqalluni tingisinnaanngimmat toquinnartariaqarsimavaa, Nattoralik Pinngortitaleriffimmut tunniunneqarsimavoq.

Timmiaq piniaqqusaanngitsoq toqungasoq nassaarigaanni timmissat illersorneqarnerat pillugu nalunaarut malillugu pinngortitami qimaannarneqanngikkuni Pinngortitaleriffimmut tunniunneqartussaavoq. Timmiaq nammineq kivertinneqarsinnaanngilaq. Timmissat tigutsisillit toqungasut Pinngortitaleriffimmit sivikkajaamilluunniit toqu-ngasimagaluarpata tigujumaneqartarput toqussutaasimasoq paasineqarsinnaakkajummat.

Ukiut tamaasa nattorallit, kissaviarsuit, kiinaaleeqqallu arlallit Pinngortitaleriffimmut tunniunneqartarput. Timmissat tigutsisillit inuussutissat uiguleriiaani inuit qullersaallutik inissisimaqatigaat, uumasunillu timimikkut mingutsitinertalinnik amerlasuunik nerisaqartaramik nattoralinni mingutsitat toqunartortallit katersuussinnaapput, kinguaassiorsinnaajunnaartitsisinnaallutik toqussutaasinnaallutilluunniit. Taamaammat pingaaruteqarpoq timmissat tigutsisillit toqussutigisimasaasa misissorneqartarnissaat.

Nunatsinni 1997-ip 2000-illu akornanni nattorallit aqqaneq-marluk nassaajusimasut misissorneqareernerisa kingorna paasineqarpoq marluk aqerlumik toqunartunissimanertik toqussutigisimagaat. Taakku saniatigut nattorallit ilaat minnerpaamik 69-inik aqerlunik aallaaneqarsimanermi kingorna toqusimavoq. Nattoralik nunatsinni 1973-imi eqqissisilluinnarneqarpoq.