*Required
*Required
*Required
*Required
*Required
*Required
*Required
*Required
Send
Thank you for your application!
 

Royal Arctic-ip containeri atorlugu Pinngortitaleriffimmi laboratooria

Silaannaap kiatikkiartornera immap naasuinut qanoq malunnaateqarpa? Tamanna Pinngortitaleriffimmi misileraanerit maannakkorpiaq pisut takutissavaa. Misileraanerit Royal Arctic-ip containariani nillataartitsiviusumi Pinngortitaleriffiup biilinut uninngaartarfiani inissinneqarsimasumi ingerlanneqarput. Containerimi tassani ilisimatuut silaannaq kissatsissimasuusaartillugu qeqqussat immallu naasui Nuup Kangerluaneersut, (aasaanerani immap kiassusaa 10˚-nik kiassuseqalersimasumi), naajartornerannut qaonoq sunniuteqarnersoq misissussavaat. Containerimi kiassutsit 10˚ aamma 19˚-i killingalugit immap naasuinut qanoq sunniuteqassanersoq misileraanerit ingerlanneqarput.

Misileraasuupput DMU-meersut, Aarhus Universitet-ianiit aammalu spansket pinngortitaleriffianiit (Mediterrani d’Estudis Avançats) ilisimatuut. Misissuineq Arctic Tipping Point (ATP) taajuuteqarpoq EU-llu ingerlataralugu, misissuinerlu silaannaap kiatsikkiartornera issittumut qanoq sunniuteqarnersoq paasiniassallugu. Pinngortitaleriffik misissuineq tamanna ilaaffigaa.

Containari laboratoriatut iluarsaanneqarsimavoq assigiingitsunik atortulersorlugu, soorlu makkuninnga: ilisiviit, akvariat, pumpet, qulliit, kiassaatit, kiassiutit il. il. Ilisimatuut qeqqussat assigiingitsut 3-t misissugassaminnik tigusisimapput (immap naasui angisuut), immallu naasui (ålegræs) Nuup Kangerluaneersut. Qeqqussani annerpaat 6 meterisut takitigilersinnaasarput, misileraanermili minnerusut misissugassatut atortariaqarsimapput inissaalatitsineq pillugu. Immap naasui misissugassatut toqqarneqartut tassaapput Nuup Kangerluani takussaanerusut. Nunattali kujasinnerusortaani qeqqussat taakorpiaat aammattaaq takussaasarput. Taamaattumik ilisimatuut qeqqussat misissugassatut toqqakkatik kiannerusumi naalluarnissaat ilimasuutigivaat. Imarli kiatsippallaarpat imaassinnaavoq qeqqussat naajumajunnaarlutik toquliuinnartut.

Nunatsinni immap naasui (ålegræs) qanoq siaruarsimatiginersut ilisimatuut ilisimanngilaat. Taamaatorli ilisimatuut Kapisillit eqqaani immap naasuinik taakkuninngarpiaq siumugaqarsimapput, takusinnaasimavaallu nunatta kujasinnerusortaanisulli naggoritsigisut, taamaattorli ukiumut naasartuni annikinnerullutik.

”Immap pissusaanik misissuissalluni Pinngortitaleriffik aallaavittut pitsaalluinnarpoq, ” Dorte Krause-Jensen Aarhus Universitet-imeersoq oqarpoq. ”Nuup Kangerluanut qanittuaraavugut Pinngortitaleriffiullu laboratoriat atortorissaaqisoq atorluarsinnaallugtigu, angallateqarlunilu sukkasuunik pikkorissorsuarnik aquttullit. Aammattaaq Pinngortitaleriffiup ilinniartunut tikeraanullu inissiaataanni najugaqarluta, Pinngortitaleriffimmilu ilisimatuut ikiuukkumatuut ikiortigilluarlutigit”.

Ilisimasassarsiortut misileraanerat pillugu nittartakkami tuluttuujusumi allaaserineqartoq uani atuarsinnaavat: www.eu-atp.org/wordpress/

ATP pillugu uani atuarit: www.eu-atp.org

Attavigisinnaavat: Dorte Krause-Jensen (dkj@dmu.dk) imal. Peter Bondo Christensen (pbc@dmu.dk)