*Required
*Required
*Required
*Required
*Required
*Required
*Required
*Required
Send
Thank you for your application!
 

Nunani issittuni avannarlerni kissatsikkiartorneq: Silap Pissusianik Ilisimatusarfik pinngortitami allanngornerit pillugit Science-mi økologimi allanngornerit pillugit saqqummeeqataasoq

Silap Pissusianik Ilisimatusarfimmit (Pinngortitaleriffimmut atasumi) ilisimatooq nunarsuarmi Nunani Issittuni Avannarlerni pissutsinut ilisimatuut nuimanerpaat peqatigalugit silap pissusiata allanngornerata kinguneratut issittuni naasunut, uumasunut pinngortitamilu ataqatigiinnernut (økologi) sunniutai ullumikumut  misissugaasimasut pillugit ataatsimut nalileeqataavoq, tamanna pivoq ilisimatuut saqqummiivigisartagaata nuimanerpaat ilaanni Science-mi kingullermi.

Silap Pissusianik Ilisimatusarfiup (nunatsinniittup) silap pissusiata allanngornerata nunani issittuni immamut, imeq tarajuqanngitsumut nunamilu avatangiisinut, aamma kalaallit inuiaqatigiiannut sunniutai ilisimatusarfigai. Taakku ataaniillutik naleqqussaanermut ;aammalu pitsaaliuinermut iliuusissanik innersuussineq.

Silap Pissusianik Ilisimatusarfik ;nunatsinni KVUG-ip, Pinngortitaleriffiup Ilisimatusarfiullu suleqatigiinnerasigut pilersinneqarpoq.

Sciencemi ullumikkumut misissugaasimasut pillugit allaaserisaq Danmarks Miljøundersøgelser, Århusimeersup aasaq kingulleq ataatsimeersuartitsinerata ”After the Melt” kinguneratut allaaserineqarpoq. Ataatsimeersuarneq nunat assigiinngitsut issitut pillugit ukiuannut (det internationale polarår (IPY) tunngatillugu ingerlanneqarpoq. Tassani nunarsuarmit tamarmit ilisimatuut nunarsuup kissatsikkiartornerata nunanut issittunut uumasutigut naasunullu, aammalu pinngortitami pissutsinut allannguutit, nerisareqatigiiaat, kiisalu issittuni CO2-mik metanimillu aniatitsinerata kingunerisai saqqummiunneqarput.

Attavissaq: Professor Søren Rysgaard (Rysgaard@natur.gl)