*Required
*Required
*Required
*Required
*Required
*Required
*Required
*Required
Send
Thank you for your application!
 

Sila Pissusianik Ilisimatusarfik ammaanersiortoq

23. november 2009 Silap Pissusianik Ilisimatusarfik Kulturimut, Ilinniartitaanermut, Ilsimatusarnermut Ilageeqarnermullu Naalakkersuisup Mimi Karlsenip ammarpaa. Ajoraluartumik Ilisimatuussutsimut ministeri / Videnskabsminister Helge Sander ammaanersiornermut peqataasinnaanani nalunaarsimavoq Danmarkimit timmisartup teknikkikkut ajoquteqarnera pissutigalugu apuussinnaannginnami.

Ammaanersiornermi Naalakkersuisoq Mimi Karlsen ilaatigut ima oqarpoq: “Naalakkersuisut nuannaarutigaat Silap Pissuianik Ilisimatusarfik Nuummi pisortatigoortumik ammarneqarmat. Silap Pissusianik Ilisimatusarfik nunat tamat suleqatigiillutik ilisimatusarfigaat, silaannaap allanngoriartornerata taassumalu issittumi avatangiisinut, inuiaqatigiinnut nunallu ataqatigiinnermut attaveqarfiinut sunniisarnerat pillugu.
Silap Pissusianik Ilisimatusarfiup sammisassai Naalaakkersut nunatsinni ilisimatusarnermi anguniaagaannut naleqqupput. Ilisimatusarnerup innuttaasut inuunerisa pitsaassusaannik annertusaaqataassaaq, ilisimatusarnerlu inuiaqatigiit ineriartornerannut iluaqutaasinnaasariaqarluni. Ilisimatusarnermi paasisat pitsaasut naalakkersuinikkut allaffissornikkullu aaliangiinernut pitsaasumik tunngaviliissapput.

Silap allanngorneranik annertuumik sammisaqalernerup ilisimatusarnerullu Kalaallit Nunaat issittullu nunaa imartaalu nunanit tamanit alaatsinaanneqarnerulerput.

Pifissaq ungasinnerusoq isigalugu ilisimasanik pitsaanerusunik silap pissusiata allanngoriartornerata nunatsinni inuiaqatigiit nutaanik inuussutissarsiorsinnaanerisigut, najugaqarfiit allanngornerisigut, inuuniarnermut atugarisat il.il. eqqarsaatigalugit. Qilanaaraarput Silap Pissusianik Ilisimatusarfiup ilisimatusarnermi, ilinniartitaanermi aamma uppernarsaanermi qitiulernissaa.

Naalakkersuisut pingaartippaat pinngortitami atuisut ilisimatusartullu suleqatigiillutik issittumi avatangiisit inuiaqatigiillu immiinnut sunneqatigiittarnerat pillugu ilisimasat nutaat pilersissinnaanngussammatigit. Naalakkersuisut neriuutigaat Silap Pissusianik Ilisimatusarfiup nunani tamani inuiaqatigiit pitsaanerusumik ilisimasassaannik silap allanngorneranut tunngasunik aamma taassuma qanittumi najugaqarfiit, nunap immikkoortortaani aamma nunarsuarmioqatigiit annerusumik ilisimasaqalernissaannik aqqutissiuinissaa.

Silap Pissusianik Ilisimatusarfimmik pilersitsinissaq ilusilerneqaqqaarpoq ilisimatusarnermut ministerip, Helge Sanderip taamanilu Naalakkersuisunut ilaasortaasup ataatsimeereernerisigut. Kingusinnerusukkut danskit kalaallillu suleqatigiiffissaat pilersinneqarpoq. Silap Pissusianik Ilisimatusarfillu 1. maj 2009 professor, Søren Rysgaard pisortaralugu aallartippoq.

Søren Rysgaard Silap Pissusianik Ilisimatusarfiup ammarneqarneranut qujavoq namminerlu siumut aalajangiussani saqqummiullugit: ”Silap Pissusianik Ilisimatusarfik tassaarusuppoq silap pissusiata sunniutaasa issittumi pissutsinut inuiaqatigiinnullu sunniutaasa nunanit assigiinngitsunit ilisimatusaatigineqarneranni siuttuusoq”.

Nangipporlu: ”Upperaarput neriuutigaarpullu Silap Pissusianik Ilisimatusarfittaaq klima inuiaqatigiillu pillugit ilisimatusaatinik nutaanik tunniussisinnaajumaartoq, aammalu qallunaat kalaallillu ilisimatusarfiinut allanut qanimut ilisimatusaqatigiinnermik pilersitseqataajumaartoq. Ataatsimoorluni suleqatigiilluni siunissaq ungasissoq eqqarsaatigalugu pilersaarusiornissaq pingaaruteqarpoq.
Silap pissusiani allannguutit maanna pisut ilimanarluinnarpoq ukiut tallimat qaangiuppata suli piumaartut, taamaattumik maannangaaq siunissami pisussat aalajangiutereersimasariaqarpagut. Paasereerparput qanoq pisinnaatigaluta avataanut takutitseqqaartariaqarluta, aammalu taamaaliorumaarpugut!
Sulerusunneq assut annertuvoq pikkorissorpassuarnillu maani suleqateqarpugut. Ukiut kingulliit 4-5-it ingerlanerisa takutereerpaat Kalaallit Nunaannit ilisimatusarneq pitsaassutsimigut qaffasilluinnartoq ingerlanneqarsimasoq” oqarpoq Søren Rysgaard.
Qallunaat nunaannit nunanillu allanit ilisimatusarfiusut assut soqutiginninnermik takutitsisimapput, ukiullu pineqartut ingerlanerini suliat 35-t aallarnerneqarlutilllu naammassineqarsimapput avataanit aningaasaliiffigineqarsimasut. Aningaasat taakku Silap Pissusianik Ilisimatusarfiup aallarnerneqarneranut ingerlanneqarnissaanullu aningaasaliussaasimasut amerlaqatigaat. Silap Pissusiata Ilisimatusarfiup klima, teknologi aamma inuiaqatigiit sammissavai. Siunissami unammiuaagassat periarfissallu nutaat. Klimamut tunngaannanngitsut aammali ilisimatuussutsikkut tunngaviusutigut ilisimasat Kalaallit Nunaata siunissami ineriartornerani atugassat.

Silap Pissusianik Ilisimatusarfiup suliassaata pingaartut ilagaat inuusuttut akornanni nunani issittuni ilisimatusarnerup ilisimaneqarnerulernissaa. Aappaagu 2010-mi PhD-mik ilisimatusarlutik aallartittussat 10-ulereerput. (Silap Pissusianik Ilisimatusarfimmi) Kalaallit Nunaanni specialiliornermut PhD-liornermullu tunngatillugu pikkorissartoqareerpoq, aammalu maanna periarfissaqalerpoq kalaallit nunaannit ilinniagaqartut nunani allani pikkorissarsinnaanissaannut.

Naalakkersuisup Mimi Karlsenip oqalugiaataa tamaat atuaruk uani
Professor Søren Rysgaardip oqalugiaataa atuaruk uani