Tui qaqutigoortoq aatsaavik Nuummi takuneqarpoq Saqqummersinneqarfia 28.10.2009

Tui qaqutigoortoq aatsaavissuaq Nuummi takuneqarpoq. Takunneqqaartoq tassaavoq Tanja Joelsen, taassuma inimi igalaanit 2010-mi apriilip ulluisa aqqarnani timmiaaqqanik nerisitsilluni tui takuaa. Tui kaappasissorujussuuvoq timmiaaqqallu nerisassaannik nalunaaquttap akunnerini marlunni uninngivilluni nerisinnarluni aatsaat qasuersilersimavoq.

Tanja Joelsenip tui, tuit arlarineraat nalugamiuk timmissanik soqutigisalik aggersarpaa, timmissanillu soqutigisallip tuit ilaat sørgeduesoq paasivaa. Tui nukillaasimarpasissorujussuuvoq, taamaanneratalu ilimanarsisippaa upernaakkut ernisarfimminnut timmitilluni tammartajaarsimasoq. Ulluni apriilip ulluisa aqqarnata tungaanut Davis Strædet-ip qeqqani naqitsiniisaffeqarpoq naqitsiniisaffiullu taassuma tui tammartajaartillugu Canadamiit Kalaallit Nunaanukartissimasinnaavaa. Tui sivikinnerpaamik sapaatit akunnerani ataatsimi Nuummiippoq ullullu taassuma kingorna Tanja Joelsenip timmiaaqqanik nerisitsisarfianut akuttunngitsumik takkuttarpoq.

Naak tui Amerikami Avannarlermi nalinginnaasuugaluartoq Kalaallit Nunaanni akuttusuumik takuneqartarpoq. Taamaalilluni siusinnerusukkut pingasoriarluni takuneqartarsimavoq: Paamiut eqqaani Narsalimmi ulloq 10. juuli 1910, Maniitsumi ulloq 14. oktobari 1946 kingullermillu Nanortalimmi ulloq 15. oktobari 2009.

Nuummi tuimik taamaattumik naammattoorsineq Kalaallit Nunaanni upernaakkut naammattoorsineruvoq siulleq. Tui tueqatigiinni pilersaarutaanngitsumik Kalaallit Nunaannukartartutut kisiartaalluni nalunaarsugaavoq, tassa imaappoq inunnit ikiorserneqarani nammineerluni maannartartutut.

Tui Nanortalimmi aamma ukiisimavoq poorskillu ulluata aappaa tikillugu taqqavani takuneqartarsimalluni. Timmissat marluk taakku Nanortalimmi Nuummilu takuneqartut imminnut assingunerat pissutigalugu imaassinnaavoq tui ataasiinnaq pineqartoq sumiiffinni taakkunani marluusuni takuneqartarsimasoq.

Kontakt: Lars Maltha Rasmussen tlf. +299 36 12 96; e-mail

Tuinnguaq una takisuumik papeqarpoq qaqortunik silarlernik papequtilik, aammattaarlu immikkuullarequtigaa sulummigut qernertunik milaqarnini. Nuuk 11.04.2010. Asseq: Lars Maltha-Rasmussen.