*Required
*Required
*Required
*Required
*Required
*Required
*Required
*Required
Send
Thank you for your application!
 

Pinngortitaleriffimmit biologit live-chatertut

Påskip kinguninngua atuartut nunarsuarmi tamarmit atuarfinnit 4.500-neersut biologit  Pinngortitaleriffimmeersut apersussavaat uumasut pinngortitarlu pillugit. Atuartut raajat, imarmi avatangiisit aammalu nungusaataanngitsumik imarmi miluumasunik atuineq apersuutigisinnaavaat, apersuinissarlu nunat assigiinngitsut akornanni atuartitsinermik programmi GoNorth! Adventure Learning Series atorlugu ingerlanneqassaaq. Taanna programmi University of Minnesota, USA-mi ineriartortinneqarsimavoq. Tallimangorneq 23. apriili 2010 ilisimatooq Thomas Juul-Pedersen chaterpoq.

Atuartitsinissaq Go North! ingerlassaaq qimussimik ilisimasassarsiornertut aammalu interneti atorlugu ilinniutinik aallernikkut. Maannakkorpiaq taamatut toqqaannartumik atuartitsinerup sammisaraa Kalaallit Nunaat, nunarsuaq tamakkerlugu nunani 30-nit atuarfinneersunit atuartut 4.500-t klassitut inigisaminnit peqataaffigisaannik – Pinngortitami ataqatigiinneq nungutaasaanngitsumillu atuineq sammineqarput aammalu qimussimik ilisimasassarsiorneq malinnaavigineqassaaq.

Chat atugassaq tassaavoq “World Resources” – tassani qitiutillugit sammineqassallutik imarmi pisussuutsit aalisakkat, qaliguallit miluumasullu Kalaallit Nunaata imartaani nungusaataanngitsumik atuineq, avatangiisit minguitsut aammalu kulturikkut immikkut ittumi kingornunneqarsimasukkut pisuussutsinik atuineq.

Sap.ak. tamaasa chattertoqartarpoq, ilinniartitsinermut tunngasut pillugit tassanilu atuartut sammisamut ilisimasaqarlartumut apersuisinnaapput.

Chatterneq 45 minutsit ingerlanneqassaaq on-line. Immiunneqariarluni internetsimiilissaaq tassanngaanniit atuartuni ilinniartitsisunillu aaneqarsinnaanngorluni, chatterneq naammassereerpat suli atorneqarsinnaasunngorlugu. Polar Huskyp programdirektøria qallunaaq Mille Porsild oqarpoq chatterneq ataatsimi atuartut 600 – 1.000-t peqataasartut.

Pinngortitaleriffik ilaassaaq marlunngorneq 6. april, tassani Miluumasunut timmissanullu immikkoortumi pisortaq Fernando Ugarte apeqqutinut akisartuussaaq, tallimangorneq 9. april 2010 ilisimatooq Nanette Hammeken amma ilisimatooq Nikoline Ziemer raajat raajarniarnerlu pillugit apeqqutinut akisartuussaalluni. Ilisimatooq Thomas Juul-Pedersen imarmi pinngortitami ataqatigiinnerit pillugit tallimanngorneq 23. April nal. 13, imarmut tunngasut pillugit apersorneqarumaarpoq.

Peqataaneq akeqanngilaq, linkit atorlugit klassit peqataanissamut nalunaarutigineqarsinnaapput.

Kikkut tamanit malinnaavigineqarsinnaavoq, atuarfiilli kisimik chatternermut peqataasinnaapput.

Programmi www.PolarHusky.com

GoNorth! Curriculum and Activity Guide 2010 – Modul 3 “Ecology: Sustainable Development” er modulet der kører sammen med chatten “World Resources”

Paasissutissat allat 

Ilisimatooq Thomas Juul-Pedersen, Pinngortitaleriffik, 361200 imal. 361245, thpe@natur.gl

Polar Huskyp programdirektøria Mille Porsild
E-mail: mporsild@polarhusky.com, Cell: +1 218.370.0307

Ilisimatooq Thomas Juul-Pedersen chatterpoq 23. aprili