*Required
*Required
*Required
*Required
*Required
*Required
*Required
*Required
Send
Thank you for your application!
 

Nunatta puisai paasissutissanik katersisut

Ulluni makkunanerpiaq ilisimatuussutsikkut saqqummersittakkami tidsskriftimi Nature Geoscience sermersuarmi iigartartut aannerinut immap sunniutaa pillugu allaaserisaq nunarsuaq tamakkerlugu tusagassiuutini eqqartorneqaqattaarpoq. Allaaserisamut tunngaviupput ilaatigut nunatsinni puisiusup natsersuup katersai paasissutissat. Paasissutissat taakku katersorneqarput Pinngortitaleriffiup ilisimatuussutsikkut misissuinermut suliamut peqataaffigisaanut tunngatillugu.

Ukiut ingerlanerini Kulusumi Tasiilamilu piniartut peqatigalugit ilisimatuup Aqqalu Rosing-Asvid, Pinngortitaleriffimmeersup, aammalu ilisimatuut DFO-meersut (Departement of Fisheries and Ocean), Canada, natsersuit uumatillugit Tasiilap eqqaani mamaartarfianni pisareriarlugit qaammataasakkut aallakaatitsisartulinnik nalunaaqutsersorsimavaat.

Natsersuup ingerlaartarnera aqqartarneralu misissuinermi pingaarnerpaatillugit sammineqarput, aammali aallakaatitsissutit sensoreqarput immap assigiinngitsumik itissusilimmi kissassusaanik  uuttortaasinnaasunik. Paasinarsisimavoq natsersuit inersimasut ukiukkut Canadami piaqqiortarfimminukaasartut, natsersuaaqqalli suli kinguaassiorsinnaanngitsut ukioq tamaat Tasiilap eqqaaniittartut.

Natsersuaaqqat taakku ukioq tamaat sila qanoq ikkaluaraangalluunniit aammalu sikup ataani immami nillertumit ilisimatuut namminneq katersiffigisinnaanngisaanni paasissutissanik katersisimapput. Maanna ilisimatuut iigartartoqarfinnit timmut milleriarsimanerpaat nalaanni ukioq tamaat kissassutsimik nalunaarsukkat pigilersimavaat.

Abstract atuaruk: Rapid circulation of warm subtropical waters in a major glacial fjord in East Greenland uani

Piniartut arlallit, aaku Kulusumiut, natsersuit pisariniarneranut peqataapput. Ass.: Aqqalu Rosing-Asvid.