Kitaani kinguppattaasartut 120.000 tonsinik appassapput Saqqummersinneqarfia 17.11.2010
Biologit inassutigaat Kitaani kinguppattat 2011-mi 120.000 tonsit sinnissanngikkaat. SiunnersuSutigineqartoq siornarnit 10.000 tonsinik qaffasinneruvoq, taamaakkaluartorli tamanna pisanik ikilisitsineruvoq, tassami 2010-mi pisat tamakkerlutik 137.000 tonsiunissat ilimagineqarmat. 2011-mi Tunumi kinguppannut siunnesuut 12.400 tonsiuvoq, taammalu siorna0siunenrsuutitut annertussuseqarluni.
Pissutsit pingasut biologit Naalakkersuisunut ukiumi aggersumi pisassiissutip qaffasinnerulaarnissaannik siunnersuuteqarnerannut aalajangiisuupput:
1) Misissuinerit nutaat takutippaat kinguppaat mikisut kinguppannut akuliussortut 2008-miit 2010-mut allanngorsimanngimmata. 2009-mi biologit paasissutissat takutimmassuk malunnartumik kinguppaaqqat akuliussortut annikilleriarsimammata isumakululersimagaluarput.
2) Biologilli massakkut paasissutissat logboginit pisut misissorneqartarnerat pitsanngorsarsimavaat taavalu paasinarsisimavoq aalisarfiit siamasinnerulersimasut annikitsumi siornatigutut eqimaffiujunnaarluni.
3) Saarulliit (Kitaata avataani) assut ukiuni kingullerni pingasuni annikillisimapput. Biologit kinguppaat nalilersoraangamikkit matematisk modeli kinguppannik saarullit nerisaannik ilanngussisoq atortarpaat. Saarulliit ikikkaangamik kinguppaat nerisaat ikittuinnaasarput, biologillu isumaqarput tamanna kinguppaat 2010-mi 2009-sut amerlatigisimanerannut nassuijaatissaasoq.
”Kinguppaqarnerata aalaakkaanerulerneranik siuariartorneranilluunniit malugisaqanngilagut. Ismakulunnginnerulerpugulli, tassami aalisartut saarulliillu kinguppannik isumalluutinik tatisinerat aarlerigisatsinnit minnerummat. Taamaattumik 2011-mut siunnersut siornarnit 10.000 tonsinik qaofasrnneruvoq, kisiannili kinguppaqatigiinnik qanoq naliliinerput allannguuteqanngilaq,” afdelingschef Helle Siegstad oqarpoq.
Raajifabrikkimiit Ilulissani, maaji 2007 Allattoq: Carsten Egevang
Allavigineqarsinnaavoq:
Helle Siegstad, aalisakkat raajanullu immikk. pisortaq
36 12 00 eller mail hesi[@]natur.gl
