*Required
*Required
*Required
*Required
*Required
*Required
*Required
*Required
Send
Thank you for your application!
 

Silap pissusiinik ilisimatuut Kangiata Nunaata Sermia alaatsinaappaat

Ilisimatuut Martin Truffer, David Podrasky aamma Daniela Dellagiustina Fairbanks-imi University of Alaska-meersut qanittukkut Nuummut uteqqammerput ulluni qulini Kangiata Nunaata Sermianeereersimallutik, taanna Nuup kangerluata avannamut kangimut qinnguaniippoq. Kalaallit Nunaanni Klimaforskningscenterianeersut misilittagaqarluartut Kunuk Lennert aamma Thomas Krogh ilagalugit tammaarsimaffiliorsimapput tassanngaanniillu helkopteri atorlugu assiliivilersuisimallutik, GPS-ilersuillutik nunallu sajunneranut uuttortaavilersuillutik sermip kangerlummut ingerlaarneranik nakkutilliisussanik.

Ukiuni kingullerni qulini Sermitat iigartartut Kalaallit Nunaanniittut sukkanerulersimapput taamaattumillu kangerlunnut sermeq uukkaasoq imerlu kuuttoq annertunerulersimalluni. Isumaqartoqariartuinnarpoq tamatumunnga immap tamaaniittup kissarnerulersimanera pissutaasimassasoq. Kangerlunni sikuusuni iigartartunillu sermilinni aakkiartornerup toqqaannartumik uuttortarnissaa ajornakusoortuuvoq.

Pilersaarut ”Gletsjer-Fjord-Hav” (Sermeq iigartartoq-kangerluk-Imaq) Kalaallit Nunaanni Klimacenterip, University of Alaska-p aamma University of New Hampshire-p USA-miittup ukiuni pingasuni suleqatigiiffigaat. Ilisimatuut sermip iigartartup kangerlummilu immap imminnut sunnersimanerat paasiniartussaavaat. Tamanna ingerlanneqassaaq sermip aniasup sermillu nammineq aakkiartorneq pissutigalugu annikilliartorneranik uuttortaanikkut.

Sermimik uuttortaanerit taava kangerluup imaata kissassusianut, uuttortaatinit puttasuniittuniit ataavartumillu CTC transektinit nakkutigineqartunilu natsorsorneqartutigut paasisat assersuutitut atorlugit sanilliussuunneqassapput.

Video af Kangiata Nunaata Sermia-gletsjeren set gennem overvågningskamera.

Martin Truffer Kunuk Lennertlu Ass: Thomas Krogh

Kangiata Nunata Sermia, Nuup Kangerlua Ass: Martin Truffer