Piniarnermut nakkutilliisup Pinngortitaleriffik umimmannik kisitsissuppaa Saqqummersinneqarfia 30.01.2010

Piniarnermut nakkutilliisoq Hans Mølgaard Sisimiuneersoq, Kangerlussuup eqqaani umummaqassusermik kisitsineq annertooq ullumikkut aallarteqqippaa. Kisitsineq Jannuaarip 19-aniit Februaarip aallaqqaataanut ingerlanneqartussaasimagaluarpoq, silalli kiannera pissutigalugu taamaatiinnartariaqarsimavoq.

“Nunakkut sukkasuumik snescooterinik ingerlaatigaluta umimmaat kisittarpavut. Ukiormannali piffinni arlalinni tamanna ajornavissimavoq, tamarmi imaannaasimagami”, misissuisoq Christine Cuyler oqaluttuarpoq. “Qujanartumik Hans Mølgaard kisitsinerup aallarteqqinnissaanut maannakkut periarfissaqalerpoq; tamanna nuannaarutigeqaarput”.

Hans Mølgård 28. Januar 2010 Kangerlussuarmi umimmannik kisitsivoq. Ass.: C. Cuyler.

Kisitsinermi siullermi peqataasut tassaapput piniarnermik nakkutilliisoq Hans Mølgaard ikiortilu Arqalo Lyberth Sisimiuniit, Piniarnermut nakkutilliisoq Niels Hansen, Upernavimmiit Pinngortitaleriffimmilu misissuisoq, suliamik aqutsisoq Christine Cuyler.

Hans Mølgaard Christine Cuylerilu ukiorpassuarni tuttunik umimmannillu kisitsinermi suleqatigiissimapput, Niels Hansenilu, Upernavimmeersoq kisitseriaaseq, ikinerpaaffiinik kisitsinermik taaneqartartoq, ilikkarniarlugu ukiormanna peqataasoq, tassa siunissami umimmaat kisinnerinik ataatsimoortullu katitersimanerinik nalunaarsuinermik Sigguup Nunaani Upernaviup kujataaniittumi ingerlatsisalerniassammat.

Kingullermik Kangerlussuup eqqaani ikinnerpaaffiinik kisitsineq ataatsimoortut katitersimanerinik nalunaarsuinertalik 2006-imi ingerlanneqarpoq. Ukiormanna uumasunik kisitsinerup sanilliunneratigut Pinngortitaleriffik ataatsimoortut ineriartorneri ingerlaavartut pillugit paasisaqarnerulissaaq.

Kisitsinerit pillugit paasissutissanik sukumiinerusut uunga saaffiginninnikkut pineqarsinnaapput:

Misissuisoq Christine Cuyler telefon 361200

e-mail: chris.cuyler@natur.gl

Umimmak

Uani pisassiissutit piffissallu piniagaaffiit aakkit.