*Required
*Required
*Required
*Required
*Required
*Required
*Required
*Required
Send
Thank you for your application!
 

Silap pissusaata allanngornerisa kinguneratut inuiaqatigiinni allanngornerit pillugit ilisimatusarfigineqarnissaanut professorati nutaaq

Ilisimatusarfiup inuiaqatigiit ilisimatusarfiginissaat siunertaralugu professorissarsiorpoq. Professorati piviusunngortinneqarpoq Silap Pissusianik Ilisimatusarfik suleqatigalugu, ilisimatusarfigineqassappullu silap pissusiata allanngornerisa kingunerisai.

Professorip suliassarissavaa inuiaqatigiit silap allanngornerata kingunerisaata pitsaasumik ilisimatusarfiginissaasa qulakkeernissaat, qanimut suleqatigalugu Silap Pissusianik Ilisimatusarfik. Silap Pissusianik Ilisimatusarfik pinngortitamik ilisimatusarpoq, silap pissusiisa allanngornerisa kingunerisai misissorlugit.

Silap Pissusianik Ilisimatusarfiup pissutsit silap pissusianik allanngortitsisut paasiniarsarai, qanorlu pinngortitami pissuseqatigiinnut sunniuteqarneri ilanngullugit.

Silap pissusiata allanngornerata kingunerisaatut inuiaqatigiit eqqorneqartussaapput. Assut nuannaarutigaarput nunanit tamalaanit peqataaffigineqartumik Kalaallit Nunaanni inuiaqatigiit pillugit ilisimatusarfigineqarnissaanut aningaasassanik pissarsisimagatta. Suut tamarmik oqimaaqatigiissaartariaqarput pissusissamisoorporlu qanoq silap pissusiata allanngornerata kingunerisaanik inuiaqatigiit eqqugaanersut misissuiffigisallugu, taama oqarpoq Silap Pissusianik Ilisimatusarfimmi pisortaq, professor Søren Rysgaard.

Ilisimatusarnissami pineqartumi siunissami allannguutinut naleqqussarnissaq eqqarsaatigalugu, eqqarsaataavoq ingerlatsisunit atorneqarsinnaasunik iliuusaasinnaasunik ineriartortitsinissaq.

Professorati Danmarkip Kalaallit Nunaata akornanni isumaqatigiissuteqarnikkut, aammalu Silap Pissusianik Ilisimatusarfiup pilersinneqarneranut atatillugu pilersinneqarpoq.

Qinnuteqarfissaq kingulleq 1. Maj 2010.

Paasisaqarnerorusukkuit saaffissaq Ilisimatusarfiup rektoria Tine Pars tipa [at]uni.gl