*Required
*Required
*Required
*Required
*Required
*Required
*Required
*Required
Send
Thank you for your application!
 

Upernaviup eqqaani ammassat, eqaluit nipisallu nalunaarsorneqartut

Ilisimatooq Josephine Nymand aamma biologit ikiortaat Sofie Ruth Jeremiassen januar 2010-mi Upernavimmiippput nunaqarfittaanilu innuttat sumi ammassanniartarnersut, eqalunniartarnersut nipisanniartarnersullu paasiniaaffigalugit.

Pingaaruteqarpoq aalisagaqatigiit allallu uumassusillit sumiinnersut ilisimassallugit, aammalu aalisakkat inunnit aalisarneqartartut sumiinneri nalunaarsussallugit. Apersuilluni misissuineq uuliasioqatigiit Cairn Disko Vestip eqqaani (Qeqertarsuup kitaata tungaata-avannaani) juni 2010 uuliasiorlutik qillerinissaannut tunngatillugu ingerlanneqarpoq.

Ilisimalikkat katersat Namminersorlutik Oqartussat pinngortitami uuliakoortoqassagaluarpat, sumiiffiit mianernartuusut sumiissusersinissaannut  atorneqarsinnaapput, aammalu uuliakoortoqassagaluarpat aalisakkanik pinngortitamillu ajoqusiisinnaanerup annikitsuutinnissaanut piareersimanissamut atorneqarsinnaallutik.

Pinngortitaleriffik aamma Danmarks Miljøundersøgelser (DMU) siusinnerusukkut Kalaallit Nunaata kitaata sineriaani aalisagaqatigiit pillugit apersuillutik misissuireerput.

Aalisartut, piniartut allallu pinngortitamik atuisuusut KNAPK-p immikkoortortaqarfiisigut katersortarfinnut innuttaasullu illuinut aggersarsimavagut, assullu naapinnissatsinnut soqutiginnittoqarluarsimavoq. Pingaarnermik eqqartorpagut sumi ammassaat, nipisaat eqaluillu aalisartarneraat, kisianni aamma qalerallit allalu aalisakkat imarmi ikkanerusumi suffisartut issimaartartullu pillugit eqqartueqatigiilluta, oqaluttuarpoq biologi Josephine Nymand´. ´Ataatsimut ikioqatigiilluta nunap assinginut ilisimasaat nalunaarsorpagut, maannalu paasissutissat pineqartunit: Upernavik, Upernavik Kujalleq, Kangersuatsiaq, Aappilattoq, Innarsuit, Tasiusaq aammalu Nuussuarmit pigilerpagut. Upernavimmi piniarnermik nakkutilliisut ikiorluarpaatigut, nunaqarfinnullu kujasinnerpaanut pingasunut ingerlassimalluta´. Misissuineq suliap “Environmental Oil Spill Sensitivity Atlas for the West Greenland Coastal Zone” ilarivaa, suliarlu Danmarks Miljøundersøgelser (DMU)-mit ingerlanneqarpoq. Paasisaqarnerorusukkuit attavissaq Biolog Josephine Nymand, tlf. 361200, e-mail

Nuussuarmiitilluta seqineq nuivoq. Ass.: Josephine Nymand.