Appat erniorfiisa kisitsisitai Saqqummersinneqarfia 21.10.2011

Ukiut tamaasa Pinngortitaleriffik Nunatta piffiinut assigiinngitsunut appat erniorfiinut kisitsiartortarpoq. Taamaalilluni Pinngortitaleriffiup timmissap taassuma piniarneqartartup pingaaruteqartullu erniornerata ingerlarnga siuariartorneralu malinnaaffigisarpaa. Misissuinerit inerneri Naalakkersuisunut appanniarnermut aqutsinerannut piujuaannartitsinissaq aallaavigalugu siunnersuinermi tunngaviusarput. Assersuutigalugu massakkut Inatsisartuni ukiakkut ataatsimiinnermi eqqartorneqartoq appanniarfiup sivitsorneqarnissaanut siunnersuinermi misissuinerit inerneri atorneqarput. Pinngortitaleriffiup nakkutilliinerani inernerusut ersersippaat appat eqimattakkaat erniorsinnaasut amerliartunngitsut, paasissutissallu katersorneqartut piffinnit assigiinngitsuneersut takutippaat erniorsinnaasut kinguariartortut. Tamanna tunngavigalugu Pinngortitaleriffik siunnersuuteqarpoq piniarfiup sivisussusii pioreersut sivitsorneqannginnissaat.

Uani takuneqarsinnaavoq Kalaallit Nunaata titartarnera kisitsisinik qanganisaniit 2012-mut imalik: Appanik kisitsinerup katiterneri qallunaatut allassimasut (1.8 MB)

Sukumiinerusumik Appa Nunatsinni uani atuaruk: www.natur.gl/pattedyr-og-fugle/fugle/polarlomvie/

Pinngortitaleriffiup timmissat pillugit siunnersuinera atuaruk: www.natur.gl/biologisk-raadgivning/fugle/