*Required
*Required
*Required
*Required
*Required
*Required
*Required
*Required
Send
Thank you for your application!
 

Immap kangerluillu sikuisa aamma Sermersuup imminnut sunniuteqatigiittarnerat pillugu ilisimasat nutaat Saqqummersinneqarfia 03.02.2011

Nuup Kangerluani nutaamik ilisimatusarnikkut kangerlummi nukiup pilerfiata pingaarutillup Sermersuup sermimut uukkartartumut attuumassuteqarnerani uukkartartup annertusinerujussuanut attuumassuteqarsinnaasoq paasineqarpoq. Qanittukkut Kalaallit Nunaata Kitaani immap sarfaatigut nunarsuup sinneranit nukissamik pilersuilerneq  annertunerusumik  sammineqalerpoq, tassani tarajoq kissartoq kangerlukkoorluni serminut iigartartunut apuuttarpoq.

Nuup Kangerluani tigooqqaavinni qaammatikkuutaartumik paasissutissat aamma akuttunngitsumik paasissutissat tunngavigalugit tinittarnerup ulittarnerullu kaaviiaartarnerat siornatigut allaaserineqarsimanngitsoq Silap Pissusianik Ilisimatusarfimmi paasineqarpoq, kaaviiaartarneq tamanna najukkami nukissamut pilersumut attuumassuteqartinnneqarsinnaavoq. Naatsumik oqaatigalugu kangerluit qinnguini tarajoq aasap ingerlanerani seqinermit kiassarneqartarpoq naallu immami tarajoq qalliusoq kissartorlu immamut avammut kangerluit paavini tinittarnermit ulittarnermillu annertuumik akoorneqartaraluarluni siaruaattaraluartoq kissaq kangerlunnut uterteqqinneqartarpoq sermillu iigartartut suli annertunerusumik aatsissinnaasarlugit. Taamatut kaaviiartarneq qanoq amerlatigisoriarluni pisarnersoq suli ilisimaneqanngilaq.

Tamanna aamma immanik, tatsinik kuunnillu ilisimatusarnerni sammisat soqutiginartut allat ilanngutassiami nutaami allaaserineqarput, tamakkulu  American Geophysical Union, Journal of Geophysical Research – Ocean-imit saqqummersinneqarput: Mortensen, J., K. Lennert, J. Bendtsen, and S. Rysgaard (2011), Heat sources for glacial melt in a sub-Arctic fjord (Godthåbsfjord) in contact with the Greenland Ice Sheet, J. Geophys. Res., 116, C01013, doi:10.1029/2010JC006528.

Ilanngutassiaq immap, kangerluit Sermersuullu akornanni ataqatigiinnermik ilisimatusarnermit angusaneersuuvoq. Suliaq nunatsinni ilisimatuussutsikkut misissuisarnerit pillugit ataatsimiititaliarsuarmit (Kommissionen for Videnskabelige Undersøgelser i Grønland), Klima og Energiministeriamit, Ministeriet for Videnskab-imit, Teknologi og Udvikling-imit kiisalu Aage V. Jensenip Aningaasaateqarfianit tapiiffigineqarpoq.

Sikumi suliaqartoq. Foto: GCRC