*Required
*Required
*Required
*Required
*Required
*Required
*Required
*Required
Send
Thank you for your application!
 
Slider

Kalaallit Canadamiullu suleqatigiinnialerput Saqqummersinneqarfia 14.01.2011

Sapaatit akunnerata matuma siuliani Nuummi  Silap Pissusianik Ilisimatusarfimmiut Candami University of Manitoba-mi ilisimatusarfiup aqutsisuinit Nuup aamma Winnipeg-ip akornanni suleqatigiinnissap pilersaarusiorneqarnissaa pillugu tikeraarneqarput. Ilisimatusarfiit marluit taakku akornanni annertuumik sivisuumillu ilisimatusarnissat ataqatigiissinneqarnerulernissaat isumaavoq, ilisimatusarnerit aallaqqaammut Baffinip Kangerliumarngata eqqaanut tunngatinneqarallassapput piviusumillu Canadami  aamma Kalaallit Nunaanni tamarmi ilisimatusartoqassaaq, nunarujussuarni imartarujussuarnilu.

University of Manitoba-mit tikeraaqataasut tassaapput professor Norman Halden,  Clayton H. Riddell Faculty of Environment, Earth, and Resources-imi dekaniusoq, professor Dave Barber, Centre for Earth and Observation Science-mi (Nunarsuarmi pissutsinut misissuinermut Ilisimatusarfik) (CEOS) pisortaasoq aamma David Mosscrop, CEOS-imi sulianut pisortaasoq (Operations Manager). Inuit pingasut taakku ukiuni kingullerni 20-25-ni tamarmik immikkut ilisimatusarnerminni arlalippassuarnik angusaqarluartarsimapput, ilisimatusarnerillu tamakku Issittumik annertuumik ataavartumillu ilisimatusarnermut Canada aningaasaliiffigineqarsimapput.

Nuummi ataatsimiinnermi siunissami suleqatigiinnissami suliassat immikkuualuttut aamma killiliussassat pingaarnerit eqqartorneqarput tamannalu ilutigalugu Canadamiut aqutsisut aamma Nuummi Pinngortitaleriffimmi kiisalu Silap Pissusianik Ilisimatusarfimmi sulisut naapeqatigiipput tamarmillu immikkut suliatik pillugit eqqartueqatigiillutik.

Suleqatigiilernissaq illua´tungeriinnit tamanit qilanaarineqarluarpoq, minnerunngitsumik suliassaqarfinni arlalinni ilisimatusarfinni marluinni taakkunani piginnaasaqarfiit imminnut ikioqatigiissinnaasutut isikkoqarmata. Ilisimatusartut sulisullu allat ilisimatusarfiit marluit taakku akornanni akornuteqanngitsumik angalasarsinnaanerat atortullu akisuut ataqatigiissaarinerillu pillugit ikioqatigiissinnaalernissaat isumaavoq, taamaalilluni ataatsimut sillimmataatit sunniuteqarluartumik atorneqarsinnaalerlutik. Ataatsimut ilisimatusaqatigiinneq akornuteqanngitsumik ingerlassapput soorunami allaffissornikkut suliatigullu allatigut suliassaqartiterpoq unamminartunik aaqqiiffigineqartariaqartunillu, tassunga ilanngullugu manna tikillugu suli Kalaallit Nunaanniit Amerikamut Avannarlermut toqqaannartumik timmisartukkut attaveqannginnera; tasamunnarniaraannimi Islandikkuunngikkaanni Danmarkikkooqqaartariaqarpoq.

Qaammatip tulliani aqutsisoqatigiit Winnipeg-imi ataatsimeeqqissapput, tassanilu pilersaarusiorneq nangeqqinneqassaaq, taamaalilluni ilisimatusarfiit marluit akornanni suliat pillugit suleqatigiinneq ukiup tulliani tamakkiisumik pilersinneqarsinnaaniassammat.

Saamerlermiit: Dave Barber, Norman Halden aamma Søren Rysgaard. Assiliisoq: Peter Schmidt Mikkelsen.

Verified by ExactMetrics