Kalaallit Nunaata imartaani arferit soqqallit pillugit Ph.d.-doktorinngorniummik illersuineq Saqqummersinneqarfia 18.01.2011
Cand Scient Malene J. Simonip Aarhus Universitetimi Kalaallit Nunaata imartaani arferit soqqallit, nipit pinngortitamilu pissuseqatigiinneq pillugit Ph. Doktorinngorniutini ullumikkut illersorpaa. Malene J. Simonip Pinngortitaleriffik aallaavigalugu ilaatigut arfiviit ingerlaartarnerat nipaallu uuttortaatinik digitaliusunik (DTAG) ilisimatusarfigisimavai aammalu nunarsuarmi uumasut annersaasa ilaata nerisassani qanoq pisarisarnerai filmimik arriillisatamik takutissimallugu. Atortut taamatut ittut assingi atorlugit qipoqqaat, arfivinnut assingunngitsumik, sarpitik sukkasuumik aalatillugit qanoq ilillutik nerisassatik taratsumik ilallugit tonsinillu arlalinnik oqimaassusillit oqummiussinnaanerai nalunaarsorsimavai.
Tamatuma saniatigut Malenep nipinik isigalugillu nakkutilleeriaatsit atorlugit pissutsit arferit soqqallit siammarsimanerannut, piffissat nikerarnerannut Kitaatalu imartaani amerlassusiannut tunngasut misissorsimavai. Nipinik misissuinerit ilaatigut paasinarsisippaat manna tikillugu ilimagineqartumit kingusinnerusukkut tikaagulliusaat suli Davisip Ikerasaaniitillutik sikullu pissutigalugit kujammukartariaqalernertik sioqqullugu novembarip qaammataani nuliarnialernerminni erinarsortartut.
Ph. Doktorinngorniarluni ilisimatusarnermit angusat silap allanngoriartornerani pinngortitami pissuseqatigiinnermik paasinnittarnitsinnut, takornariaqarnermut Kitaatalu imartaani uuliasiornerujussuarnut attuumassuteqarput.
Malene Simon Ph. doktorinngoreeruni Pinngortitaleriffimmi Silap Pissusianik Ilisimatusarfimmi piffissami killilimmi (post doc) atorfinissaaq atorfimminilu arferit soqqallit oqaluttuassartaat siammarsimanerallu pillugit ilisimatusarnini nangeqqissavai.
Ph.doktorinngorniarluni ilisimatusarneq Aarhus Universitetimi uumasunut immikkoortortaqarfimmi (sektion for Zoofysiologi, Biologisk Institut) Nuummi Pinngortitaleriffimmi aallaaveqarluni ingerlanneqarpoq. Ilisimatusarnermi Washington University-mi Woodshole Oceanographic Institution-imi, APL, ilisimatusartut aamma Silap Pissusianik Ilisimatusarfimmi ilisimatusartut suleqatigineqarput. Ph.doktorinngorniarneq aningaasaateqarfimmit Oticon Fonden-imit tapiiffigineqarnikkut aamma Namminersorlutik Oqartussani KIIIN-imit tapiiffigineqaqqinnikkut naammassineqarpoq.
Ph. Doktorinngorniutip taaguutaa:
Finhvalens parringssang i Davis Strædet, inuit tusaasinnaaniassammassuk 16-eriaammik sukkatsitaq. Immiussisut: M. Simon og Dr. K. Stafford (Washington Universitet), Davis Strædemi.
Kontaktinfo: Malene Simon, masi@natur.gl, +299-361250 / +299-262357
Qipoqqaq Nuup Kangerluani krillitortoq. Ass: Fernando Ugarte
Arfivik DTAG-mik nassitsissutitalik. Ass: Malene Simon
