Pinngortitaleriffik tunissutiseqqippoq Saqqummersinneqarfia 20.06.2012

Umiatsialivittaap Aage V. Jensenip aningaasaateqarfianiit tunniussaasup atoqqaartinneqarneranut atatillugu Leif Skov, aningaasaateqarfimmi siulersuisunut siulittaasuusoq peqataanerminut ilanngullugu allamik tunissuteqarpoq, 2.25 mio. kr.-inik nalilimmik angallammik tunissuteqarami. Pinngortitaleriffik arlariinnik assigiinngitsunut siunertanut atorneqartartunik angallateqareerpoq, taakkuli saniatigut pisariaqartitsilersimavoq qaakkaamik, immap misissuiffigineqarneranut atortunik usisinnaasumik. Angallat ”Erisaalik” assigalugu tunissutigineqartoq sipileqassaaq hydrauliskiusumik, taassumalu saniatigut oqimaatsunik, soorlu snescooterinik kivitsisinnaasumik karaaniligaassalluni. Pinngortitaleriffiup suliassaanut annertusiartuinnartunut iluaqutaangaassaaq, suliassallu aalaakkaasumik suliarineqarsinnaanerannut angallatit imaani misissuivigineqarsinnaasut marlunngornissaat imminnut tapertariinnissaannut aamma iluaqutaassaaq. Tunissutigineqartoq tassaavoq Somi glasfiberimik sanaasoq, soorlu assimi takuneqarsinnaasoq, Pinngortitaleriffiullu pisariaqartitaai malillugit atortulersugaasoq.

Leif Skov, Aage V. Jensens Fondep siulersuisuini siulittaasoq, Pinngortitaleriffiup umiatsialivittaata ammaanersiorneqarnerani assilisaq. Assiliisoq: Peter Schmidt Mikkelsen.