*Required
*Required
*Required
*Required
*Required
*Required
*Required
*Required
Send
Thank you for your application!
 

R/V Sannap ilisimatusartunik angallasseqqaarnissaa aallartilerpoq Saqqummersinneqarfia 09.05.2012

Tamanna pissaaq Nuup Kangerluani Fyllallu Ikkannersuani aqaguminngaaniik, maajip 10-aninngaaniik 18-ata tungaanut, 2012.

Ukiormannassaaq Nuup Kangerluani Pinngortitaleriffimmiit, Silap Pissusianik Ilisimatusarfik uuttortaanernik ingerlatsissaaq, soorlu ukiut kingulliit arfinillit taamatut ingerlatsisarsimasoq. Ukiormannali tassa umiarsuartaatsinniit R/V Sannamiit suliassat tamakku siullermeerlutik ingerlanneqassapput.

Nuup Kangerluani uuttortaanerit silap pissusianut immamilu uumasoqatigiiaanut tunngasuupput, ukiullu tamaasa katersuilluni uuttortaasarnissaq pingaaruteqarpoq, issittup kujasinnerusortaani silap pissusiata allanngortup sunniutaasa paasiniarneqarneranut.

Silap pissusiata allanngoriartornerata kingunerisaasa paasisaqarfiginerunissaanut kiisalu immap Sermersuullu pingaarutaannik ilisimasaqarnerunissamut paasissutissanik katersuineq ataavartoq pingaaruteqarluinnarpoq.

Ukiumiit ukiumut uuttortarneqartartut ilaatigut makkuupput:

  • Immap tarajoqassusiata uuttortarneqarnera, taamatullu qanoq imiitiginerata (sermersuup aakkiartorneranut ilaatigut takussutissatut)
  • Immap kissassusianik uuttortaaneq
  • Aalisakkat saattussallu piaraasa, allallu uumassusillit tappiorannartut siammarsimmaviata annertussusaannik uuttortaaneq
  • Immap CO2-mik milluaaneranik uuttortaaneq

Ukiormanna immikkut sammisassat marluk aamma ingerlanneqassapput. Ann Lennertip Ph.d.-liornissaminut atatillugu sammissavaa immap naqqanit marullummik tigooqqaalluni kingumut sermeqarsimaneranut, immap sikuusarsimaneranut uumasoqassutsimullu tunngasut.

Martin Blicherip Københavnimi Ilisimatusarfimmi specialiliorluni suliaqartoq, Isak Rasmussen peqatigalugu kangerluup qinnguani sermersuarmiit Fyllap Ikkannersua tikillugu immap iluani bakteriat kulstofimik nungusaasinnaanerannik uuttortassallutik.

Ilisimatusartuni siuttuussaaq, Ilisimatooq Thomas Juul-Pedersen

Pisat. Assiliisoq: Lene Kielsen Holm

Ilisimatusartut umiarsuaat Sanna. Assiliisoq: Peter Schmidt Mikkelsen