*Required
*Required
*Required
*Required
*Required
*Required
*Required
*Required
Send
Thank you for your application!
 

Aasaanerani suliat – immamiit nunamut

Assimi: Uumasuaqqanik katersuivik BONGO, Sannap qaavani. Assiliisoq Kristine Arendt

Allattoq:  Kristine Arendt / Peter Schmidt Mikkelsen

Pinngortitaleriffimmi aasap ilisarnaataanut, aputaarunneranut seqernullu kissanneranut, ilaavoq aasaanerani suliassanut piareersarneq, taamaammallu ilisimatusartut atortorpassui sumi tamaani illorsuup iluani takussaalersarput, angallatillu, angisuut mikisullu tamarmik singisimalersarput ilisimatusartullu pinngortitamiinnissaminnut tulluartunik atisalersorsimalersarlutik.

Pinngortitaleriffimmi Aalisakkanut immikkoortortaqarfimmi teknikeri, Lars Heilmann misissukkanik laboratoriami suliaqartoq. Assiliisoq Kristine Arendt

Pinngortitaleriffiup ilisimatusartunut angallataa R/V Sanna maajip qiteqqunnerani angallasseqqaarpoq. Taamani Nuup kangerluata qinngorpiaaniit, Sermitsiap qeqertai atuarlugit Fyllap ikkannersuata tungaanut misissugassatsinnik tigujoqqaavugut. Misissugassanik tigujoqqaasarnerit amerlanerssaat piffissaq aalajangersimasoq sumiiffillu aalajangersimasoq ukiumiit ukiumut uterfigisarlugit pisarpoq. Tassalu ileqqoq taanna atorlugu silap pissusiata allanngorneranut misissuutit aammalu uumasut inuiaqatigiinnut pingaarutillit assigiinngitsut nakkutigineqarput. Tassalu upernaaq Nuup kangerluani angalaneq tamakku ilagivaat. Ukiut tamaasa maajimi aqqut taanna atorlugu misissugassanik tigujoqqaasoqartarpoq. Misissuilluni suliaq taanna Greenland Ecosystem Monitoringimut (GEM) ilaavoq, tassaasoq assigiinngitsunik ilisimatusaatillit suleqatigiinnerisigut silap pissusiata allanngornerata kingunerisaanik imarmi nunamilu pinngortitami ataqatigiinnik misissuiffik, tassalu taassuma Nuummi immikkoortortaani (Nuuk Basis) immersuisuulluni. Tamatumani misissorneqartartut nalunaarsorneqartartullu tassaallutik immap kissassusia, tarajoqassusialu, CTD (asseq takujuk) atorlugu uuttuiffissat aalajangersimalluinnartut aqqusaarlugit, kangerluup qinnguani sermersuup aniaffianiit samunga Fyllap ikkanersuata tungaanut.

Paasissutissaq CTD-miit nuunneqartut. Assiliisoq Kristine Arendt

GEM-imut ukiut tamaasa nalunaarutigineqartartussat akornanniipputtaaq aalisagaaqqat, kinguppaaqat assagiaaqqallu.  Tamakku qassutit 0,5 mm-inik nigartallit, BONGO-nik taasagaat (Asseq 1) atorlugit pisarineqartarput, Qaqinnerini formalinimik imalimmut poorneqartarput, angerlaannissaannut asiunaveerlugit.

Ilisimatusarnermi angallat Sanna suliffigiuminarluinnartuuvoq ataatsikkullu ilisimatusartut qulit tikillugit angallassinnaallugit. Taamaakkamilu annertusisamik suliaqarnissamut periarfissiivoq, ukiormannalumi Aarhus Universitetermiut peqatigineqarput, Issittumi ilisimatusarnerit pillugit peqatigiinnermut (ASP-Arctic Science Partnership) atatillugu, paasiniaaffigalugit uumasoqatigiiaat tappiorannartut, bakteriat ammassaallu.

Nuup kangerluata Fyllallu ikaanersuata kissassusia, maaji 2013-imi

Pinngortitaleriffimmi katersat suliareqqinneqapallattarput, qaammallu qaangiutiinnartoq BONGO-mik tigusat, aalisagaaqqat, kinguppaaqqat saattuassaaqqallu Pinngortitaleriffiup teknikeriinit tamakkerlugit suliarineqareerput. Uuttuinerit CTD-mit pCO2-millu uuttuutinit qarasaasiamut nuunneqartarput ilisimatusartullu tamakku tunngavigalugit tulliani uuttortaanissap tungaanut sulisarput. (Asseq 4, Nuup kangerluani immap kissassusia, CTD-meersut malillugit).

Kristine Arendtimit