*Required
*Required
*Required
*Required
*Required
*Required
*Required
*Required
Send
Thank you for your application!
 

Kalaallit Nunaanni Silap Pissusianik Ilisimatusarfik ingerlatanik ataatsimoortitsivoq

Assimi: Silap Pissusianik Ilisimatusarfiup ukiumoortumik ataatsimiitsitsinerani peqataasut. Assiliisoq: Peter Schmidt MIkkelsen.

Allattoq:  PeMi

Nick Nielsenip, ilisimatusarnermut naalakkersuisup ajasoorsimalluni Kalaallit Nunaanni Silap Pissusianik Ilisimatusarfiup inaarummik ataatsimiinnera ammarpaa.

”Silap Nunaanni Silap Pissusianik Ilisimatusarfiup ammarneraniit ukiualunnguit ingerlanerinnaanni Kalaallit Nunaanni silap pissusaanik misissuisoqarfimmik nunat tamat akornanni nersorneqartumik pilersitsisinnaasimanersi uagut Naalakkersuisuni tulluusimaarutigeqaarput. Ilisimatuutut misissuisarnermi toqqavissanik professorinik, ilisimatuutut misissuisartunik ilinniartunillu atorfeqavissunik sulisulimmik saniatigullu ilisimatuutut misissuisartunik ilinnniartunillu attaveqarfippassualimmik pilersitsisinnaasimavusi”, Nick Nielsen oqarpoq.

Ilisimatuutut misissuisartut 60-init amerlanerusut nunanit assigiinngitsunit 15-ineersut silap pissusianik misissuisoqarfiup Nuummi Pinngortitaleriffimmiittup siunertaqarluarluni ilisimatuutut misissuinikkut angusai oqaluuseriartorlugit Nuummut katersuussimapput.

Kalaallit Nunaanni Silap Pissusianik Ilisimatusarfiup ilisimatuutut misissuisarnerit assigiinngitsut ataqatigiissinnerisigut silap pissusaasa allanngornerisa issittuni pinngortitamut issittunilu inuiaqatigiinnut sunniutaanik sammisaqarfiuvoq. Ilisimatusarfimmi suliniutit 20-nit ikinnerunngitsut aallartinneqarsimapput, ilaatigut immap sikuani ingerlaatsit, immap sarfai kiisalu aalisarnermi issittunilu innuttaasut inuuniarneranni allannguutit sammineqarsimallutik.

Pinngortitaleriffiup pisortaata Klaus Nygaard-ip Silap Pissusianik Ilisimatusarfiup ”torrallatarujussuunerarpaa” ilisimatuutullu misissuinerit inerneri nalitoorujussuunerarlugit – Kalaallit Nunaanni inuiaqatigiinnuinnaanngitsoq issittoqarfimmiunullu tamanut.

Natuk Lund Olsenip kalaalimerngit pillugit Ph.D-liornermini misissuinini oqaluttuarai. Assiliisoq: Peter Schmidt Mikkelsen.

Ilisimatusarnermut naalakkersuisup Nick Nielsenip suliniutaasimasut ajasoornaannartumik kinguneqarsimanerat erseqqissaatigaa, oqaatigalugu Namminersorlutik Oqartussat Ilisimatusarnermut Inatsisaat – Kalaallit Nunaata oqaluttuarisaanerani taamaattut siullersaat – Naalakkersuisut akuersissutigeqqammeraat. Tamanna suliniutaajumaartunik allanik ilaqarluni ilisimatuutut misissuinermi suliniuterpassuit Silap Pissusianik Ilisimatusarfimmit aallartinneqarsimasut ingerlateqqinneqarnissaannut periarfissanik ammaassisuusinnaassaaq.

Issittuni ilisimatusarnermi siunissami suliniuteqartarnissamut periarfissat ilisimatuutut misissuisartorpassuit eqqartorpaat massakkullu aamma Danmarkimi Kalaallit Nunaannilu aalajangiisartunut ataatsimoorluni allagaqaateqarnissaq suliniutigilerlugu.