*Required
*Required
*Required
*Required
*Required
*Required
*Required
*Required
Send
Thank you for your application!
 

Kunngeqarfiup ilisimatusarnikkut ilinniartitaanikkullu suliniutai sukateriffigineqassapput

Allattoq:  PeMi

Ilinniartitaaneq, ilisimatusarneq, oqartussaasunik sullissineq, illuutit atortulersuutillu qitiutillugit oqallisigineqarput, Danmarkimi Ilinniartitaanernut Ilisimatusarnernullu ministeri Sofie Carsten Nielsen aammalu ilaatigut Ilinniartitaanernut Ilisimatusarnernullu Naalakkersuisoq Nick Nielsen Pinngortitaleriffimmi 27. august 2014 ataatsimeeqatigiimmata.

Ministerit taakku marluk Pinngortitaleriffimmi takornariartinneqarput suliarineqartartullu pillugit oqaluttuunneqarlutik aammalu ilisimatusarnernik suliaqarfiusartut immikkoortortat, ilanngullugit Avatangiisinut Aatsitassanullu Immikkoortortaqarfittaaq aammalu Silap Pissusianik Ilisimatusarfik, nassuiaatigineqarlutik.

Pinngortitaleriffimmiit maanna suliat ingerlatat, suliassat ilanngullugit avatangiisinut immikkoortortaqarfittaamiittut, oqaluttuarineqarput aammalu Nunatsinni taama angitigisumi atortutigut pilersaarusiornikkullu aporfiusartut nassuiaassutigineqarput. Aamma avatangiisit pillugit danskit ilisimatusartartut aammalu ilisimatusarfeqarfiit peqatigalugit suliassat saqqummiunneqarput, tamatumuunatigullu suleqatigiinnerit pitsanngorsarneqarsinnaanerat eqqartuiffigineqarluni.

Silap Pissusianik Ilisimatusarfeqarfiup ukiuni tallimani siullerni ingerlasimanera aamma ministerinut nassuiaatigineqarpoq. Ilisimatusartartut Kunngeqarfimmit tamaneersut silap pissusianut tunngassuteqartunik soorlu kissatsikkiartornerup, sermersuup aattup, immami sarfaqarfiit, uumassuseqassutsip ataqatigiinnerata allanngoriartornera, inuusaatsip allanngoriartornera, periarfissat nutaat takkussuuttut unammilligassanullu tunngassuteqartunik saqqummiiffigineqarput.

Ilisimatusarfeqarfik Pinngortitaleriffik peqatigalugu ilisimatusartartunik maaniittunik avataaneersunillu suleqatigiissitsinermik siuarsaasimaqaaq. Ilisimatusartartut hundredelikkaat Pinngortitaleriffimmut misissuisarfinnullu i Zackenberg/Daneborgimut Kangerluarsunnguamullu allanullumi suleqatigiissuteqariartorlutik takkussuuttuarsimapput. Ilisimatusaatit nutaat aammalu ilisimatusariaatsit assigiinngitsut akimorlugit suliaqartarnerit peqqutaallutik ilisimatusarnernut aningaasaliissutit aammalu Pinngortitaleriffiup illutassaanut atortuutaanullu aningaasaliissutaasartut qaffariarsimaqaat. Tamanna pisimavoq pisortat namminersortullu aningaasaliissuteqarnerisigut.

Pinngortitaleriffik inuusuttut amerlanerusut ilisimatusarnernik suliaqalernissaannik kaammattuiniarluni ilinniartitaanernik ingerlataqarniarluni aamma Aarhus Universitetimik University of Manitobamillu 2012-imiit suleqateqalerpoq. Tassungalu atatillugu Pinngortitaleriffiup sinniisaasa ministerillu eqqartorpaat 2017-iutinnagu pinngortitami ilisimatusarnertigut ilisimatusarfeqarfinni ilinniartitaanerit Nunatsinni aallartinneqarnissaat.