*Required
*Required
*Required
*Required
*Required
*Required
*Required
*Required
Send
Thank you for your application!
 

Nunatta kitaata imartaani qalerallit allannguuteqarfiunngillat

Nunatta kitaata imartaani qalerallit amerlassusiat imaluunniit biologit qaleralinnut tunngatillugu siunnersuinerat qullaaminanilu appaamissuteqanngilaq. NAFO-mi biologit kitaata imartaani avataani sinerissallu qanittuini qaleralinniarnernut tunngatillugu 2015-imut 2016-imullu pisassiissutigineqarsinnaasutut siunnersuinerat 2014-imut siunnersuinerannit allannguuteqanngilaq.

Avataani qaleralinnut tunngatillugu, Canada-lu aveqatigiissutigineqartartunut, 2015-imut siunnersuineq:

  • Davis Stræde: 14.000 tonsit.
    2013-imi pisat tamakkiisut 15.248 tons-iusimapput, taakkuannga nunatsinneersunit pisarineqarsimallutik 8.211 tonsit.
  • Baffin Bugt: 16.000 tonsit.

2013-imi pisat tamakkiisut 12.814 tons-iusimapput, taakkuannga nunatsinneersunit pisarineqarsimallutik 6.500 tonsit.

Sinerissap qanittuini qaleralinut tunngatillugu 2015-imut siunnersuineq: 

  • Disko Bugt: 8.000 tonsit.
    2013-imi pisat tamakkiisut 9.073 tons-iusimapput. Tamaani qaleralinniarnerup nutaanik aalisarneqarumaartussanik takkussuuttunik tunngaveqalersimasinnaaneranik pasinartoqalersimavoq. Taama ingerlasoqaannassappat sivitsornerani tamanna peqassutsimut ajortumik kinguneqarataannaavoq, tassami isaatitarisarsimasat angummaffiginiarlugit annertunerusumik qaleralinniartoqartariaqalissammat.
  • Uummannaq: 6.000 tonsit.
    2013-imi pisat tamakkiisut 7.007 tons-iusimapput. Misissuinerit takutippaat qalerallit agguaqatigiissillugu takissusiat aalaakkaasumik inissisimalersimasoq, taamannalu qaleraleqassutsip aalisarneqarnerminut malinnaasinnaaneranik ersiutitut nalilerneqarpoq.
  • Upernavik: 6.300 tonsit.
    2013-imi pisat tamakkiisut 6.039 tons-iusimapput. Taavunga tunngatillugu aatsaat siullermeersumik biologit tungaanniit siunnersuisoqarpoq. Misissuinerit takutippaat qalerallit agguaqatigiissillugu takissusiat aalaakkaasumik inissisimalersimasoq, tamannalu qaleraleqassutsip aalisarneqarnerminut malinnaasinnaaneranik ersiutitut nalilerneqarpoq.

Qaleralinnut tunngatillugu siunnersuinerit Namminersorlutik Oqartussat piumasaqarnerat naapertorlugu ukiunut marlunnoortunngortinneqarput, tamaalilluni ukiunut 2015 aamma 2016 atortussaallutik.

Aalisakkanut allanut tunngatillugu qeeqqanik milalinnik peqassuseq sumininnguugaluamik siuariaateqalaarsimavoq, pisaasartullu ukiuni 2009-miit 2013-ip tungaanut agguaqatigiissillugu pisaasartut tassa 1.025 tansit qaangertariaqanngikkaat innersuussutigineqarluni. Siusinnerusukkut toqqaannaq aalisarfigineqannginnissaannik siunnersuisoqartaraluarpoq. Siunnersuineq una kingulleq ukiunut pingasunoortuuvoq 2017-ilu ilanngullugu atussalluni.

Håsingit siuariaateqarsimanngillat aamma qeeqqat nimeruaartut, tupissutit, kapisillit suluppaakkallu. Tamakkulu toqqaannaq aalisarneqannginnissaat innersuussutigineqarpoq.

 

Itinerusumik paasisaqarusunnermi saaffigisassaq:

 

Aalisakkanut qalerualinnullu Immikkoortortami pisortaq Helle Siegstad oqarasuaat 361200 imal. mail: hesi@natur.gl.