*Required
*Required
*Required
*Required
*Required
*Required
*Required
*Required
Send
Thank you for your application!
 

Qimusseriarsuarmi qilalukkat qernertat

Aqutsiveqarfimmi Upernavimmi qilalukkat qernertartassat 30-nik ilaneqaqqammerput. Tassunga atatillugu Pinngortitaleriffik tusarniarneqarpoq, akissutigineqartullu tusagassiuutini sammineqarnerini Pinngortitaleriffik illersuiniaqatigiiffittullusooq ilaatigut nipeqartinneqarpoq.

Pinngortitaleriffimmiit erseqqissaatigineqassaaq Pinngortitaleriffiup suliassarinngimmagu uumasut pinngortitarlu illersussallugit, kisiannili pisussaaffigalugu pisuussutit uumassusillit piujuartitsinermik tunngaveqartumik iluaqutigineqarnissaannik aqqutissiueqataalluni siunnersuissalluni. Pinngortitaleriffiup qilalukkat pillugit siunnersuinera tusarniaanermut atatillugu akissummi atuarneqarsinnaavoq.

JCNB-p aamma NAMMCO-p ataani qilalugaqassutsip tulliani naliliiffigeqqinnissaa pissaaq 2015-imi. Qimusseriarsuarmi qilalugaqassutsip naliliiffigineqarnissaani tunngaviussapput kisitsineq 2007-imeersoq kiisalu kisitsinernit nutaanit 2012-imiit 2014-imiilu paasissutissat – minnerunngitsumillu – paasissutissat piniartut piniarnermut nalunaarutaaneersut.