Kalaallit Nunaata imartaani saarulliit pillugit siunnersuut nutaaq Saqqummersinneqarfia 06.07.2015
Allattoq: PeMi
ICES-ip siullermeerluni Kalaallit Nunaata imartaani sumiiffinni assigiinngitsuni pingasuni saarullinnik immikkortulersuivoq. Sumiiffiit tamarmik immikkut siunnersuusiorfigneqarput:
Sumiiffik A: Kalaallit Nunaata kitaani sinerissap qanittua
Sumiiffik B: Kalaallit Nunaata kitaani sinerissap avataa Qaqortup Kangerluata avannaani
Sumiiffik C: Tunumi sinerissap avataa Kalaallit Nunaata kitaata kujataani Qaqortup Kangerlua ilanngullugu.
Allatut oqaatigalugu sinerissap avataani saarulliit pillugit ilisimatuutut siunnersuineq sukumiinerulerpoq, sumiiffinni taakkunani pingasuni assigiinngissutsit eqqarsaatigineqarnissaat pissutigalugu. Kalaallit Nunaata eqqaani sumiiffinni assigiinngissutsit tunngavigalugit siunnersuuteqarneq ilorraap tungaanut alloriarneruvoq.
Sumiiffinni qulaani taaneqartuni siunnersuutit 2016-imutoortuupput:
Sumiiffik A: 12.379 tonsit (2015-imi siunnersuutigineqartutut)
Sumiiffik B: Tassani aalisartoqartariaqanngilaq.
Sumiffik C: 7.577 tonsit (sumiiffimmi tassani siullermeersumik siunnersuisoqarpoq).
ICES taamatut siunnersuuteqarsinnaanngorsimavoq pingaarutillit makku tunngavigalugit:
Sumiiffik A: Aalisarnerup annertussusia peqassuserlu pillugit paasissutissat suli amigaateqarput. Taamaattumik siunnersuut allanngunngilaq.
Sumiiffik B: Aalisagaaqqat perortussat 1990-ikkunniilli appasittuarsimapput. Ukiuni kingullerni amerlerialaarsimapput, sumiiffinniilli allaniit saarulleeqqanik tikiussortoqarsimavoq.
Sumiiffik C: Ilisimatuutut misissuinikkut pitsanngoriartortoqarnera ilimanarpoq (-20%), paasissutissalli nalorninartoqarput. Tamanna siunnersuuteqarnermi eqqarsaatigineqarsimavoq.
Tunumi Kitaanilu saarulliit pillugit siunnersuut siorna siunnersuutigineqartuniit allaaneruallaanngi-laq (takuuk ilanngutaq 1).
Annerusumik paasisaqarniaruit atassuteqarfigiuk:
Aalisakkanut Qalerualinnullu Immikkoortoqarfimmi pisortaq Helle Siegstad tlf. +299 361200 imaluunniit mail: hesi@natur.gl.
