*Required
*Required
*Required
*Required
*Required
*Required
*Required
*Required
Send
Thank you for your application!
 

Qaanaap pigisaaneersut immami miluumasut timmissallu pillugit ilisimasaat nalunaarusiami nutaami saqqummiunneqarput

Allattoq:  PeMi

Pinngortitaleriffimmiit ilisimatusartartoq Carsten Egevang nalunaarusiamik nutaamik saqqummiusseqqammerpoq taaguuserneqarsimasumik ”Fugleobservationer i Nordvandet samt lokalviden om fangst, Qaanaaq juni 2013”, nutserlugu ”Pikialasorsuarmi timmissanik misissuineq aammalu piniarneq pillugu sumiiffimmi ilisimasat, Qaanaaq juni 2013”. Nalunaarusiaq Pinngortitaleriffiup nittartagaani saqqummerpoq.

Nalunaarusiami Pikialasorsuarmi, sumiiffia taavani Baffin Bugtip avannaarsuaniippoq, eqqornerusumik oqaatigalugu Qaanaap Canadamilu Ellesmere Islandip akornanni imartami ukioq kaajallallugu sikuinneq ajortumi, taamaalillunilu ammalatarsuusumi timmiaqassuseq allaaserineqarluni. Tamatuma saniatigut nalunaarusiami atuarneqarsinnaavoq Qaanaap pigisaani piniartut aarrit qilalukkallu qernertat pillugit killiffimmik isiginninnerat, aammalu taavani piniagaanerannik isiginninnerminnik saqqummiussaat. Piniartunik oqaloqatiginninnertigut uumasoqatigiit pineqartut marluk pillugit inatsiseqarnerup, aqutsinerup pissutsillu piviusut piniartunit misigisimaneqartut ataqatigiinnginnerat nalunaarusiakkut allaaserineqarput.

Timmissanik misissuinerit aammalu piniartunik apersuinerit ingerlanneqarput qilalukkanik qernertanik aavernillu nalunaaqutsersuinerit ingerlanneqarnerat iluatsillugu. Inuussutissarsiutigalugu piniartut sisamat Pinngortitaleriffimmeersullu biologit marluk nalunaaqutsersuinernik, misissuinernik assigisaannillu ingerlatsipput, misissuinerit ingerlanneqarlutik kujammut Qaanaap illoqarfianiit avannamut Etah-p tungaanut Smith Sund tikillugu.

Assit: Carsten Egevang

Paasissutissat soqutiginartorpassuit nalunaarusiami atuarneqarsinnaapput, misissuinertigummi sumiiffiit avinngarusimaqisut tikikkuminaatsullu anguneqarmata. Tamatuma saniatigut nalunaarusiaq asserpaalussuarnik kusanarluinnartunik alutornasaagaavoq.

Nalunaarusiaq ugguuna aaneqarsinnaavoq.