*Required
*Required
*Required
*Required
*Required
*Required
*Required
*Required
Send
Thank you for your application!
 

Unnuk Kulturisiorfik 2015

Assimi: Nuup Kangerluaniit immap naqqani uumasut suli uumasut.

Pinngortitaleriffimmi ukiormanna Unnuk Kulturisiorfik pisarnertut isaasoqarfiulluarpoq. Alutorsaatigilluarneqartartut nunatta avataaneersuugatik imartatsinniilli aasaraagut – soorlu aalisakkat takkussuuttut nutaat assersuutigalugu avaleraasartuut, blåhvillingit, ammassassuit aamakkulu allaat eqalussuit mannii nimerissakkullu ilaqutaat havlampretsit.

Illu tamarmi uumassuseqarporlusooq; niisat, tuttut allarpassuillu pillugit oqaluttuartoqarpoq aammalu immami nipit soorlu puisit, arferit ilaatigullu immap naqqanik sajuppillatsitsisarluni misissuinerit nipiliornerat tusarneqarsinnaasarlutik.

Avatangiisinut Aatsitassanullu Immikkoortortaqarfimmiut uuliaarluertoqarnerani saleeriaatsitigut periarfissanik takutitsipput, taamaalilluni mingutsitsisinnaaneq annikinnerpaaffianiitinniarlugu. Taamatut takutitsinermi uulialiortoqarsimavoq nerisassiornermi uulia kakao-mik akullugu, ilalu assingummat.

Morten Birch Larsen uuliaarluernermik takutitsivoq

Aalisakkat assileerneqarput

Pâmiut qaqitaaneersut misissorneqarput

Qulaatungaani Aalisakkanut Qalerualinnullu Immikkoortortaqarfimmi eqqusat, uiluiiit saattuallu uumasut alutorsaatigineqaqaat ”uumasunillu navianartunik” milluartagartalerlugit agguaassisoqarluni.

GEUS-ikkunni ujaassiuut ujaraaluutilinnit ornigarluarneqarput. Misissuisoqarpoq ajoraluartumillu ukiormanna aamma gultimik nassaartoqanngilaq.

Katillugit inuit 963-it takkupput, taakkunannga meerarpassuit, amerlasuullu nerisarfitsinni sutorput kaagisorlutillu akiliutaallu tamarmik Nuummi angerlarsimaffeqanngitsunut tunniunneqarput – tamanit nuannaarutaaqisumik!