*Required
*Required
*Required
*Required
*Required
*Required
*Required
*Required
Send
Thank you for your application!
 

Kalaallit Nunaata imartaani ukioq manna avaleraasartooqarneraaq

Aasaq manna avaleraasartuunik misissuinernit inernerit ICES-ip ullumi ataatsimiinnerani saqqummiunneqarput. Atlantikup avannaata avaleraasartuuisa ilarpassui aasiit ukioq manna kimmut Kalaallit Nunaata tungaanut ingerlaarsimapput. Aalisagarpassuit Islandip kitaani kujataanilu naammattoorneqarsimapput, ilarpassuili aamma Kalaallit Nunaata imartaanut anngussimapput. Avaleraasartuut Nunatta imartaanut apuuteqqissinnaanerinut immap kissassusia kiisalu tappiorannartoqassusia kimmut ingerlaariaasiannut aalajangiisuulluinnartarput.

Avaleraasartuut amerlanerpaartaat Tuluit Nunaata qeqertartaasa kitaanni ukiisarlutillu suffisarput aasallu qaammataani immanut avannarpasinnerusunut, Nunat avannarliit imartaannut aamma Kalaallit Nunaannut, tappiorannartunik neriniarlutik ingerlasarlutik. Upernaaq manna siornamut sanilliullugu sila kiannerusumavoq, tamannalu pissutaalluni avaleraasartuut 2015-imiit siusinnerusukkut kimmut ingerlaalersimassagunavillutik. 2015-imi aamma Islandip kujataani tappiorannartorpassuaqarsimavoq, taamaassimaneralu aamma kipparternerinut kigaalaqutaasimasinnaavoq. Ukiormanna imaq Tunup imartaani tappiorannartukinneraaq, taamaakkaluartorli avaleraasartuut amerlanerusut Kalaallit Nunaata imartaanut anngussimapput.

Ukiormanna nunatsinni avaleraasartuunik tappiorannartoqassutsimillu misissuinerit Norgemi, Savalimmiuni Islandimilu tamakkuninnga misissuinernut ataqatigiissaagaapput. Aalisakkanik ilisimatusartartut nunanit sisamanit taakkunanngaanneersut sapaatip akunnerani qaangiuttumi angalalluni misissuinerpassuarnit inernerusunik ataqatigiissaarinikuuput, tamakkulu Københavnimi Internationale Havforskningsrådip (ICES) ilisimatuussutsikkut suleqatigiissitaanut saqqummiunneqarlutik. Avaleraasartooqassutsimik nalilersuinerit tamarmiusut, Atlantikup avannaanut tamarmut tunngasuusut, ataatsimut naliliiffigineqarnissaanut ilanngunneqartussaapput. Ilisimatusartartut Pinngortitaleriffimmeersut misilittagaqarluartut, sapaatip akunnerani uani naatsorsukkanik tamakkuninnga suliaqartuupput. ICES oktoberip aallartinnerani aatsaat 2017-imi pisassiissutigineqarsinnaasut annertussusissaannik aalajangersimasunik siunnersuuteqarumaarpoq.

Taamatut avaleraasartooqassutsimik nalilersuisarnerit suliarineqartarput aamma siunissami neri-uutigineqarmat avaleraasartoorniartartut peqassutsimik taamalu avaleraasartoorniarnissaminnut atatillugu sunik naatsorsuuteqartarsinnaanissaannik siorngerlugu ilisimatitsisalersinnaanissaq siunertarineqarmat.