Oqalugiarneq: Arferit itinersuarmi uumariaasiat misissueriaaseq nutaaq atorlugu paasineqarsinnaalerpoq Saqqummersinneqarfia 25.01.2016
Allattoq: PeMi
Pinngortitaleriffik Aarhus Universitetilu pinngoritami ilisimatusarneq pillugu Nuummi tamanut ammasumik oqalugiaateqassapput:
Arferit isertortumik inuunerat periuseq nutaaq atorlugu paasineqarpoq
Professor Peter Teglberg Madsen, Institut for Bioscience – Zoofysiologi aamma Arctic Research Centre, Aarhus Universitet
2016-imi pingasunngornermi januaarip ulluisa 27-anni Katuami `Inersuaaqqami´ nal. 19-21 (danskisut oqalugiartoqassaaq)
Oqalugiarneq akeqanngilaq nalunaarnissarlu pisariaqarani – aggiinnassaasi!
Arferit siuaasaat nunami uumasuupput maannakkullu uumasuusunut puulukinut qatigattuunullu ilaqutaallutik. Ukiut 30 millionit sinnerlugit matuma siorna uumasut miluumasut tamakku immami uumanissaq pingaarnerutillugu nuna qimappaat. Arfeqatigiikkuutaat maannakkut uumasuusut immani assigiinngitsuni inuunermut assorsuaq naleqqussarsimapput – imavissuarnit itisuuniit kuunnut ikkattunut.
Ukiorpassuarni ilisimatusartartut arferit sivikitsuinnarmik immap qaavaniinneranni imaluunniit arferit toqungasut pilattarlugit misissuiffiginerisigut uumasuunerat ilisimatusarfigisarsinnaasimavaat, misissuinerillu tamakku aallaavigalugit qanoq uumasimanerat eqqoriartarlugit. Kisianni ukiuni kingullerni qulini teknologi nutaaq atorlugu ilisimatusartartut arferit sananeqaataannik imaannarsuarmilu pissusilersortarnerannik naliitsumik ilisimatusarfiginissaannut periarfissaqalersimapput.
Oqalugiarnermi ilaatigut nunarsuup imartaanni arferit mikinersaat, Niisa, Danmarkip imartaani piniarniartoq eqqartussavarput aamma kigutilissuit qanoq ilillutik nalunaaquttap akunnerini marlunni aqqaamasinnaanersut, qilalugaq qernertaq qanoq ililluni qiulluni toquneq ajornersoq aamma tunnulissuaq qanoq ililluni alleqquni nakkartinnagit taratsumik 70 tonsimik qanermioqarsinnaanersoq paasiniarsarissavagut. Aamma arferit immami uumaniarlutik naleqqussarsimanerat eqqarsaatersuutigissavarput – silarsuarmi siuaasamik nunami angalaartusimanerannit allaanerujussuarmi.
Oqalugiaat Aarhus Universitetimi tamanut ammasumik oqalugiarnermeersuuvoq. Oqalugiarnermik aallarniisuussaaq Thomas Juul-Pedersen Pinngortitaleriffimmeersoq piffissallu ingerlanerani unillatsiarnermi kaffeqassaaq.
