*Required
*Required
*Required
*Required
*Required
*Required
*Required
*Required
Send
Thank you for your application!
 

Qallunaat kalaallillu akornanni ilisimatusarneq pillugu isumaqatigiissut pingaaruteqartoq atsiorneqarpoq

Assimi: Ilinniartitaanermut, Kultureqarnermut, Ilisimatusarnermut Ilageeqarnermullu Naalakkersuisoq Nivi Olsen qallunaallu Ilinniartitaanernut Ilisimatusarnernullu ministeriat Ulla Tørnæs Nunatsinni Silap Pissusianik Ilisimatusarfiup kiisalu ilisimatusartartunngorniarluni ilinniaqqiffiusut siunissaat qularnaarlugit isumaqatigiissutip ingerlaqqinnissaa atsioqatigiissutigaat. Asseq: Pinngortitaleriffik.

Allattoq:  PeMi

Ilinniartitaanermut, Kultureqarnermut, Ilisimatusarnermut Ilageeqarnermullu Naalakkersuisoq Nivi Olsen qallunaat Ilinniartitaanernut Ilisimatusarnernullu ministeriannik Ulla Tørnæsimik kingullermik sisamanngormat ataatsimeeqateqarpoq. Ministeri ulluni makkunani Kalaallit Nunaanni tikeraarsimaarpoq, tassungalu atatillugu naalakkers. Ministeri ulluni makkunani Kalaallit Nunaanni tikeraarsimaarpoq, tassungalu atatillugu naalakkersuisup ministerillu akornanni isumaqatigiissummik atsiuisoqarpoq. Atsioqatigiissutigineqartup taassuma qularnaarpaa Pinngortitaleriffiup ataani Silap Pissusianik Ilisimatusarfeqarfiup ingerlateqqinneqarnissaa. Tassungalu ilanngullugu isumaqatigiissut alla Kalaallit Nunaanni ilisimatusartartut Ph.d.-mik postdoc-erlutillu ilinniaqqittarnerisa ingerlatiinnarneqarnissaannut tunngasoq isumaqatigiissut atsiorneqarportaaq. Isumaqatigiissutip atsioqqinneqarnerata kingunerisaanik qallunaat tungaanniit ukiumut aningaasaliissutaasartut 9 mio. koruuniusut qulakkeerneqarput.

”Isumaqatigiissutip atsiorneqarneragut kalaallit qallunaallu ilisimatusarnikkut suleqatigiinnerisa nukittuumik attatiinnarneqarnissaat aammalumi issittumi ilisimatusarnikkut piginnaasanik qaffassaaniarnerit pimoorunneqaannarnissaat qulakkeerneqarput”, Pinngortitaleriffiup pisortaa Klaus Nygaard oqarpoq.

Ministeriet akornanni naalakkersuinikkut oqaloqatigiinnerit saniatigut Pinngortitaleriffik, Silap Pissusianik Ilisimatusarfik Ilisimatusarfillu pulaarneqarput. Qallunaat ministeriat Kalaallit Nunaanni ilisimatusarnerit aammalu ilinniartitaanerit ingerlaqqiffiusut pillugit saqqumiivigineqarpoq. Aamma Kalaallit Nunaata qallunaat Issittumi ilisimatusarnernut periusissatut pilersaarusiaanut immersuutigisaanik ministeri nassuiaanneqarpoq. Periusissatut pilersaarutip taassuma 2016-ip ingerlanerani naammassineqarnissaa naatsorsuutigineqarpoq. Ilisimatusarfeqarfiit pulaarneqartut assigiimmik nipeqarlutillusooq kissaatigaat avataaniit Kalaallit Nunaanut ilisimatusariaannartaratik ilisimatusartartut maani nunami inooqataallutik sulisarnissaasa pingaarutaat aammalu ilinniartitaanernik ilisimatusarnernillu suliallit suleqatigiinnerisa nukittorsarneqartuarnissaattaaq eqqaasitsissutigineqarluni. Ulloq naggaserlugu Nuup Kangerluanut angalaartoqarpoq, taqqamani Silap Pissusianik Ilisimatusarfimmi sulisut imaani suliarisartakkaminnik takutitaqalaarmata.

Ilinniartitaanernut Ilisimatusarnernullu ministeri Ulla Tørnæs Pingortitaleriffiup suliassaqarfiinut tunngassuteqartunik Pinngortitaleriffiup pisortaanit Klaus Nygaard-imit nassuiaanneqarpoq takornarniartinneqarlunilu. Asseq: Pinngortitaleriffik

Paasisaqarnerorusunnermi attavigisassaq:

Pinngortitaleriffiup pisortaa Klaus Nygaard oqarasuaat 361200.