*Required
*Required
*Required
*Required
*Required
*Required
*Required
*Required
Send
Thank you for your application!
 

Kalaallit Nunaata ilisimatuussutsikkut misissuutissaa qanoq ateqassava?

Kalaallit Nunaata ilisimatuussutsikkut misissuutissaata qanoq ateqarnissaanut siunnersuuteqarlutit unammisitsinermut peqataagit.

Atissaanut tunngatillugu makkua piumasaqaataapput:

  1. takivallaassanngilaq – tamanut taajuminartuussaaq
  2. ateq ataasiinnaassaaq – marlunnik ateqassanngilaq
  3. suli inuusumik atsiussisoqaqqusaanngilaq
  4. sumiiffiit atsiuteqqusaanngillat
  5. umiarsuit nalunaarsuiffianeereersuussaanngilaq

Ateq siunnersuutigisat pillugu takinerpaamik oqaatsit 150-it atorlugit nassuiaateqarit.

Siunnersuutit uunga nassiutissavat info@natur.gl kingusinnerpaamik 17. januar 2020. Siunnersuutigineqartut Suleqatigiissitamit nalilersorneqassapput sapaatit akunnerisa sisamaanni, tamatumalu kingorna suaarutigineqassalluni. Ajugaasumut eqqugassaqassaaq.

 

Umiarsuaq 2021-imi atulissaaq

Umiarsuaq misissuutissaq nutaaq Pinngortitaleriffiup ukiorpanngortuni misissuutigisimasaanik ”Paamiut”-mik taarsiissaaq, nutaalianillu atortulersugaanissani peqqutigalugu misissuinernik nutaanik ilisimatusaatinillu allanik suliaqarsinnaalissalluni. Qalut kivisittakkat atorlugit aalisakkanik misissuinerit (raajat, qalerallit saarulliillu) aammalu aalisakkanik immap ikeraniittartunik (avaleraasartuut allallu) misissuisarnernik ingerlatsisoqarsinnaalissaaq. Taamatut nutaaliat allat kivisillugit nipilu atorlugu misissuisarnernik aamma ingerlatsisoqarsinnaalissaaq, taamaalilluni soorlu ammassannik aalisakkanillu immap ikeraniittartunik aamma misissuisoqarsinnaalissalluni.

Umiarsuaq atortorissaartorujussuusussaq inunnut 32-nut ilaaffigineqarsinnaanngorlugu suliarineqassaaq. Taamaalilluni ilisimatusaatinik ataatsikkut arlalinnik suliaqarsinnaanerit pisinnaalissapput, piffissamillu atuilluarnerusoqarsinnaalissaaq. Aamma umiarsuaq ilinniartitsivittut atorneqarsinnaassaaq, taamaalilluni Imarsiornermik Ilinniarfimmeersut sungiusaatigalugu ilaaffigisinnaalissallugu.

Umiarsuup misissuutissap nutaap sananeqarnissaanut peqqutaasut pingaarnersaraat Pinngortitaleriffiup Kalaallit Nunaani pisuussutit uumassusillit pillugit piujuartitsiniarnermik tunngaveqartumik iluaqutigineqarnissaannik siunnersuisarnerminut misissuisarnernik toqqammaviusartunik ingerlataqaannarnissaata qulakkeerneqarnissaa. Umiarsuartaassap angissusia, aaqqissuunneqarnera nutaalianillu atortoqartussaanera eqqarsaatigalugit aalisakkanik peqarfiit avannarpasinnerusut misissuivigineqartalernissaat anguneqarsinnaalissaaq soorlu aamma aalisarfiit nutaat ujartorneqarsinnaanissaat pisinnaalissasoq. Misissuutissaq nutaaq Pinngortitaleriffiup suliassanik pilersaarutaanut 2021-miit upernarneraniit atorneqarsinnaalernissaa pilersaarutaavoq.

Nutaamik umiarsualiorsinnaanissaq piviusunngorsinnaalerpoq Namminersorlutik Oqartussat aammalu aningaasaateqarfiup Aage V. Jensens Fonde-illu katillugit 235 mio. koruuninik aningaasaliissuteqarnerisigut.