Aalisarnermi piniutaarsiutinik eqqakkanillu immap naqqani saliinissaq Saqqummersinneqarfia 10.09.2020
Ilisimatuussutsikkut misissuummik Sannamik Qeqertarsuup Tunuani immap naqqani aalisarnermi piniutaarsiutinik misissuinissat saliiniarsarinissallu ulluni 13. – 22. september 2020 pissapput. Taamaattumik aalisartut qinnuigaavut ulluni misissuiffiusussani saliiffiusussanilu – ataatungaani takukkit qaqugukkut sumilu – nal. 00:00-imiit 24:00-ip tungaanut sumiiffinni pineqartuni ningittakkersunngikkallarnissaannik.
| PIFFISSAQ 00:00-24:00 | SUMIIFFIK | Feltkode | SUMIIFFIK N aamma W killii |
| 13 september SAPAAT | ALLUTTOQ | LK027, LL027 | 69o30N-69o45N, 51o15W-51o30W, |
| 14 September ATAAS. | Qeqertaq | LN027 | 69 o52,5-70 o00N, 51o15W-51o30W |
| 15 September MARLUN. | TORSUKATTAK | LN028 | 69 o52,5N-70o00N, 51o00W-51o15W |
| 16 September PINGAS. | TORSUKATTAK | LN029 | 69 o52,5N-70o00N, 50o45W-51o00W |
| 17 September SISAMAN. | Qeqertaq | LN026 | 69 o52,5N-70o00N, 51o30W-51o45W |
| 18 September TALLIMA. | Oqaatsut | LH028 | 69 o15N-69 o22,5N, 51o00W-51o15W |
| 19 September ARFININ. | Ilulissat | LG028 | 69 o07,5N-69 o15N, 51o00W-51o15W |
| 20 September SAPAAT | Ilulissat | LG028 | 69 o07,5N-69 o15N, 51o00W-51o15W |
| 21 September ATAAS. | Ilulissat | LG027 | 69 o07,5N-69 o15N, 51o15W-51o30W |
| 22 September MARLUN. | Ilulissat | LH027 | 69 o15N-69 o22,5N 51o15W-51o30W |
Feltkodet ima agguataarneqarsimapput.Inussiarnersumik qinnuigaatsigit misissuinissat saliiniarnissallu innimigeqqullugit
Suliniutikkut siunertaavoq paasiniassallugu aalisarnermi piniutaarsiuteqartarnerup qanoq ajornartorsiutaatiginera aammalu sapinngisamik amerlanerpaanik immap naqqaniit qalluinissaq. Suliniutikkuttaaq aalisarnermi piniutaarsiutit qaleralinnut assagiarsunnullu qanoq sunniuteqartarnerat paasisaqarfiginiarneqassaaq. Immap naqqanik saliiniarnermi periutsit nutaat misilgarneqassapput.
Taamaammat ulluni pineqartuni imartani misissuiffigineqartussani atortussinnik qimataqannginnissarsi kissaatiginarpoq.
Apeqqutissaqaruit paasissutissaateqaruilluunniit attavigikutsoorsinnaavatsigut.
Suliniut Namminersorlutik Oqartussanit Avatangiisinullu Aningaasaateqarfimmit aningaasaliiffigineqarpoq.
Qassutaarsiutit ukiut tallimat matuma siorna Qeqertarsuup Tunuani angalanermi nalaatsorneriinnarmik nassaat. Ass.: Rink Heinrich.
Inussiarnersumik suleqatigiilluarnissamillu kissaateqarluta,
Rasmus Nygaard – Pinngortitaleriffik – Mobilnr. 270170, e-mail: rany@natur.gl
Rasmus Hedeholm – Sustainable Fisheries Greenland – Mobilnr. 272422, e-mail: rhe@sfg.gl
