Aasaanerani qalerualinnik aalisakkanillu misissuinerit Saqqummersinneqarfia 13.10.2020
Aasaq 2020 Pinngortitaleriffimmiit Kalaallit Nunaata sineriaani qalerualinnik aalisakkanillu misissuinerit ukiumoortut naammassineqarput. RV Sanna atorlugu sinerissap qanittuani misissuinerit ingerlanneqarput, Islandimiillu attartugaq kilisaat Helga Maria atorlugu avasinnerusumiittut misissuiffigineqarput.
Misissuisarnerit siunertarisarpaat aalisakkat tunisassiarineqartartut nakkutigissallugit. Misissukkallu makkuusarput, itisuup raajaa (Pandalus borealis), saarulliit (Reinhardtius hippoglossoides), suluppaakkat (Sebastes norvegicus aamma S. marinus) aamma saattussat (Chionoecetes opilio). Mianerisariallittaaq sumiissusersineqarniassammata misissuinerit saniatigut immap naqqanik videliortoqarpoq, Kalaallit Nunaanni kilisaateqarnerup sunniutai aamma naliliiffiginiarneqarniassammat.
Aasap ingerlanerani katillugit 381-eriarluni 600 meterimik ititigisoq tikillugu kilisaammik kalitsisoqarpoq, 103-riarlunilu videoliuummik kalilluni immiussisoqarluni. Aasaq manna qaleralinniutinik saarullinniutinillu 200-nik qassutiliisoqarpoq saattussanullu 70-inik pullatiliisoqarluni.
Misissuinerit paasissutissallu katersorneqartut Kalaallit Nunaanni aalisakkat qaleruallillu tunisassiarineqartartut pillugit ukiumoortumik ICES-ip NAFO-llu siunnersuinissaminnut atortarpaat.
Helga Mariami qalusinerit. Pisarineqartut amerlanerpaartaat saarulliupput, allernarli aamma qaluneqaqataasimasoq qaluneqarsimasuni alliusoq takuneqarsinnaavoq.
Helga Mariap Tunumiinnerani saarullittat kilisaatip qaavaniittut.
Kilisaammit qaluneqartut assigiinngitsorpassuusarput, saarulliit eqqaassanngikkaanni itisuup raajai, ammassat, oquutat, eqalukkat, kanassut, nuaarluit immallu pupii aamma qaluneqaqataasarput.
Islandimiut kilisaataat Helga Maria 2019-imi 2020-milu avataani misissuutitut atorneqarpoq. Aasaq manna Tasiilap eqqaani una asseq assilisaavoq.
Suluppaakkanik immikkoortiteriutigaluni misissugassanik tigooraasoqarpoq.
Saarullik peqqussanik krillinik ammassannillu nerilluarsimavoq.
Paasissutissanik katersilluni misissuereernerit kingorna Helga Mariami paasissutissanik qarasaasiamut immersuisut.
Islandip Kalaallit Nunaatalu akornanni saarulliit ingerlaartarneri paasisaqarfiginerujumallugit Tunumi saarullinnik nalunaaqutsikkanik imaanut utertitseqqittoqartarpoq.
RV Sanna Uummannap kangerluani qassusersorluni misissuinerni angallatigineqarpoq.
Qaleralik qassutinik kivisittakkanik pisarineqarsimasoq.
Pullatit saattuarniutit pisaat misissorneqartut.
Saattuaq Qeqertarsuup Tunuaneersoq.
