*Required
*Required
*Required
*Required
*Required
*Required
*Required
*Required
Send
Thank you for your application!
 

Ilisimatusartartut nunanit tamalaaneersut Nuummiit avannamut ingerlaarlutik misissuinialerput

Ilisimatusartartut nunanit tamalaaneersut Nuummiit avannamut ingerlaarlutik immami uumasoqatigiiaat ataqatigiinneri misissuiffigissavaat.

Juulip 17-iani Ilisimatusartartut 20-t nunanit tamalaaneersut sapaatip akunneri pingasut misissuiutaa angalaniarlutik Nuummiit aallassapput. Kalaallit Nunaata Kitaani imaq silap allanngornera ilutigalugu allannguuteqarnersoq, allannguutillu aalisagaqarsinnaassutsimut qanoq sunniuteqarnersut silaannarsuarmilu kulstof-imik immap iioraasinnaaneranut sunniuteqartoqarnersoq paasiniartussaavaat.

Ilisimatusartartut ilaatigut ukunanngaaneerput: Danmarks Tekniske Universitet, Pinngortitaleriffik, Aarhus Universitet aammalu Tromsømi Arktisk Universitet. Misissuinissarlu suliniummit Horizon 2020-miit, ECOTIP-imit aningaasalerneqarpoq. Silap allanngoriartornera ilutigalugu immami uumasoqatigiiaat pingaaruteqartut qanoq sunnerneqarnersut ilisimatusarfigineqarnissaat anguniagaavoq. Immap kissakkaluttuinnarnerata Kalaallit Nunaatalu sermeqarfiinit erngup aniasup annertusinera ilutigalugu immami uumassuseqaqatigiit allanngornerinik kinguneqarnersoq, taamaasillunilu aalisagaqassutsimut sunniuteqassanersoq.

Angalanermi uumassuseqarnermut toqqammaviusut – naasuaqqat uumasuaqqallu tappiorannartut – imarpissuit uumasoqatigiiaaqarnerinut pingaaruteqarluinnartut misissorneqassapput, tamakkuami silap allanngorneratigut sunnerneqassasut ilisimatusartartut isumaqaramik.

Sineriammi misissuiffissatut aalajangersorneqareersimasut Nuummiit Qeqertarsuup Tunua ilanngullugu angalaffigineqassapput.

ECOTIP pillugu

ECOTIP – Investigating Ecological Tipping Cascades in the Arctic seas – Horizon 2020-p aallutaraa. Suliniummi ilisimatusartartut issittup imartaani uumasoqatigiiaat ataqatigiinnerisa siunissami allannguuteqarsinnaanerat siumoortumik paasisaqarfigerusuppaat, ingammik ukunatigut pingaaruteqarluinnartutigut: Immami aalisagaqassutsimut, issittumi innuttaasut aningaasaqarniarnerannut pingaaruteqaqisumut sunniutaasussat suussanersut kiisalu nunarsuup silaannaanut pingaaruteqaqisumik imarsuup kulstof-imik iioraasinnaassuseqarnera silap pissusianut sunniuteqangaatsiartartoq allannguuteqassanersoq.

 

Itinerusumik paasisaqarusunnermi saaffigisassaq
Seniorforsker Jesper Boje, DTU Aqua aamma Pinngortitaleriffik, oqarasuaat: +45 35 88 34 64 imal. mailikkut: jbo@aqua.dtu.dk