*Required
*Required
*Required
*Required
*Required
*Required
*Required
*Required
Send
Thank you for your application!
 

Maia David-lu Aasianniittut

Ulluni makkunani Aasiaat eqqaani immap naqqa misissorneqarpoq

Biologit Pinngortitaleriffimmeersut David Blockley aammalu Maia Olsen ulluni makkunani Aasiaat eqqaanni immap naqqa misissuleruttorpaat. Misissuinerat suliniummut ”Greenland Rising”-imut (Kalaallit Nunaat qaffakkiartorpumut) ilaavoq, qanittukkullu suleqataasa Karl Zinglersen-ip Aqqaluk Sørensen-illu suliaannik nangitsiartorlutik Aasianniipput.

Silali akornusersuivoq! Silami anorlerlunilu imaq malleraangat, taava pilersaarutit malikkuminaallisaramik. David Blockley oqaluttuarpoq:

– Aasiaat eqqaanni immap naqqa qanoq innersoq paasiniarsaraarput. Uumasut suunersut, qanorlu amerlatiginersut, immallu naasuarai suut tamaaniinnersut paasiniarsaraarput. Tamakkua isumagissagaanni pilersaarusiorneq atortussallu Aasiannukaassornissaat pisariaqarsimavoq (soorlu robot-i immap naqqani filmiliorsinnaasoq). Pilersaarusiagulli silap soqutiginngilluinnarpai. Nivaaq-mi Kangerluup illuata tungaanut pisariaqarsimavugut, taamaaliunngikkutta umiatsiarput qaarsumut qaagussaasussaammat. Taamaattumik Akunnaap eqqaanukarpugut, tamaanili aamma sila akorngusersuikujuppoq tassami imaq ima isariatsigigami allaat immap naqqa takusinnaanatigu. Taamaattumik Aasiannut uterpugut angallassisorpullu Aqqaluk isumaqatigiippugut unnukkut arferngup kingorna anoraaruppat aallaqqinniarluta.

Aqqaluk, sapaammut unnuami nunaqarfiit ilaannut napparsimasumik aallertariaqarsimavoq, taamaakkaluartorli sapaammi Akunnaanukaappaatigut. Kiisamiuna immap naqqa erseqqarissisimasoq tamaanilu inalugalinnik immap naqqa ulikkaartoq takuvarput. Aqqalulli kalerrinneqarpoq anori sialuttalik takkutilersoq, taamaattumik Aasiaat tungaannukaannarpugut tassalu anori sialullu apuuttugullu apuupput.

Ulluni tulliuttuni silagillunilu immap naqqata erseqqarissinissaa neriuutigaarput.

Maia Olsen umiatsiamillu aquttoq Aqqaluk

David Blockley med robot kameraet