*Required
*Required
*Required
*Required
*Required
*Required
*Required
*Required
Send
Thank you for your application!
 

Nunatsinni aalisakkat tatsiniittartut qaqutigoornersaannik ujarlerneq

Otto Fabriciusip atuakkiaani ’Fauna Groenlandica’ 1780-imeersumi nimeriaq siullerpaamik Nunatsinni nalunaarsorneqarsimavoq, taamanimiilli manna tikillugu ilisimatusarnermi allattukkani nimeriaq qassikattariaannarlugu eqqaaneqaqqissimavoq: 1924-mi Kujataani Adolf Jensenip arfinillit pisarisimavai, Peter Rask Møllerilli ilaasalu nimerissat pingasut 2005-imi Qaqortup eqqaani naammattoorsimasatik 2010-mi allataminni eqqaasimavaat. Pinngortitaleriffimmeersut, ukiut qulingajaat matuma siorna Kangerluarsorutsip eqqaani tatsimi nimeriaqatigiiaaqartoq (Anguilla rostrata). paasivaat, tamannalu ukioq manna uppernarsarneqarpoq.

Tamatumuunalu ilisimatusartartut Pinngortitaleriffimmeersut nimeriaq nunatsinneersoq paasisaqarfigineruniarlugu misissuilerput. Nunatsinni nimerissat nassaassaanerat siornatigut oqaatigineqartarsimagaluartumit siammasinnerussasoq ilimagineqarpoq, massakkulli nimeriaqarfiit ilisimaneqartut ikitsuinnaagallarput. Nimeriaq Nunatsinni aalisakkat imermiut qaqutigoornersaattut taamaammat taassallugu tulluarpoq.

Pisarnertullu siornatigut nimerissamik pisaqartoqarsimappat takunnittoqarsimappalluunniit Pinngortitaleriffik paasissutissanik nassinneqarnissaminut tikilluaqqusingaarpoq.

Attavigisassaq: juni@natur.gl