Ph.d.-mik illersuissaaq: Søren L. Post Saqqummersinneqarfia 24.06.2021
Ataasinngorneq 28. juni nal. 9.00 uumassusileritooq Søren Post, Aalisakkanut Qalerualinnullu Immikkoortortaqarfimmeersuullunilu DTU Aqua-meersoq, Ph.d.-tut inaarumminik illersuissaaq, saarullernanut tunngasumik, qulequtaqartumik: “Blue whiting (Micromesistius poutassou): behaviour and distribution in Greenland waters”. Suliai Tunumi saarullernanut tunngasuupput, suliaminilu takutippaa immap kissassusaata qaffannerani saarullernaqassuseq qaffaqataasartoq. Ilanngullugu takutippaa immami sarfat aalajangersimasut (’the subpolar gyre’) saarullernaqassutsimut sunniuteqartartut. Asimilu misissuiartortarnermini paasisani tunngavigalugit saarullernat nerisarisaasa ataqatigiissaarnerat ullormullu nerisassarsiornerisa allanngorartarnerat itisilernerullugit nassuiarpai.
Siunnersortai, Seniorforsker Teunis Jansen aamma Seniorforsker Sigrún Jónasdóttir, naliliisussatullu ataatsimiititaliameersut Danmarkimiit, Tuluit Nunaanniit Norgemiillu zoom aqqutigalugu peqataasussaapput. Ph.d.-mik illersuineq pisortatigoortuuvoq DTU-miillu Zoom-ikkut malinnaavigineqarsinnaajumaarluni nal. 9.00 – 12.00.
Soqutiginnittut tamarmik Pinngortitaleriffiup Facebookiatigut toqqaannartumik malinnaasinnaajumaarput uani: Pinngortitaleriffik, Grønlands Naturinstitut
Illersuinertaa akunnermik ataatsimik sivisussuseqassaaq, unillatsiarnerullu kingorna naliliisussatut ataatsimiititaliap Søren L. Postip illersuinera naliliiffigissavaat.
Naliliisussatut ataatsimiititaliaq:
Siunnersortai
- Siunnersortaa: Seniorforsker Teunis Jansen, DTU Aqua aamma Pinngortitaleriffik
- Siunnersortaaqataasoq: Seniorforsker Sigrún Jónasdóttir, DTU Aqua
Nalileeqataasut
- Lektori Mikael van Deurs, DTU Aqua
- Principal Scientist Richard Nash, Marine Fisheries – Cefas, Lowestoft, UK
- Pisortaq aamma Principal Researcher Agnes Christine Gundersen, Møreforsking AS, Norge
Illersuinermi aqutsisoq
- Seniorforsker Karin Hüssy, DTU Aqua
Pisussaq annerusumik uani paasisaqarfigineqarsinnaavoq: Ph.d.-forsvar om blåhvillings adfærd og fordeling i havet omkring Grønland
Ph.d.-liarineqartoq tamakkiisoq atuarsinnaavat uani: “Blue whiting (Micromesistius poutassou): behaviour and distribution in Greenland waters”
Søren L. Posts ph.d.-liaminik suliaqarnera Namminersorlutik Oqartussat ilisimatusartussanut aningaasaliissutaannik Pinngortitaleriffimmiillu aningaasaliiffigineqarpoq.
