*Required
*Required
*Required
*Required
*Required
*Required
*Required
*Required
Send
Thank you for your application!
 

Pinngortitaleriffimmut attuumassuteqartut Ph.d.-ngortut 22-issaat.

Biologi Søren L. Post, Pinngortitaleriffimmi Aalisakkanut Qalerualinnullu Immikkoortortaqarfimmeersuullunilu DTU Aqua-meersoq, Ph.d.-tut naammassinnilluni saarullernanut tunngasumik ullumi saqqummiussaqarpoq, qulequtaqartumik: “Blue whiting (Micromesistius poutassou): behaviour and distribution in Greenland waters”.

Søren L. Post, Pinngortitaleriffimmut attuumassuteqartumik Ph.d.-mik uppernarsaateqalersut 22-issaraat.

Søren L. Post-ip suliai Tunumi saarullernanut tunngasuupput, suliaminilu takutippaa immap kissassusiata qaffannerani saarullernaqassuseq qaffaqataasartoq. Ilanngullugu takutippaa immami sarfat aalajangersimasut (the subpolar gyre – ”issittup kujasinnerusortaani sarfaq”) saarullernaqassutsimut sunniuteqartartut. Asimilu misissuiartortarnermini paasisani tunngavigalugit saarullernat nerisarisaasa ataqatigiissaarnerat ullormullu nerisassarsiornerisa allanngorartarnerat itisilernerullugit nassuiarpai.

-Søren Post-ip Ph.d.-liornissaa sioqqullugu saarullernat pillugit nunatta imartaani ilisimasat annikitsuaraagaluarput. Ph.d.-ngorniarnerminilu paasisaasa uppernarsaatillugu pissarsiaasa pigilerneri, nunatsinni immap ikerani aalisarnermut pingaaruteqartorujussuupput, nunarsuatsinni immap kissakkiartornera ilutigalugit nunatta imartaa kissarnerulissappat saarullernat siunissami nunatta iluaqutigilersinnaammagit, Aalisakkanut Qalerualinnullu Immikkoortortaqarfimmi pisortaq, Helle Siegstad oqarpoq.

Søren L. Post-ip Ph.d.-mik ilinniarnera Namminersorlutik Oqartussat Ilisimatusarnermut tunngasumik ilinniagaqartussanut aningaasaliineraniit Pinngortitaleriffimmiillu aningaasalersorneqarpoq. Suliarlu DTU Aqua-mi Københavnimiittumi Pinngortitaleriffimmilu ingerlanneqarluni.

Søren L. Post-ip Ph.d.-liaa tamakkerlugu una attavigalugu piniarneqarsinnaavoq: stub@aqua.dtu.dk

Itinerusumik paasisaqarniaraanni attavissaavoq:

Søren L Post, mail: sopo@natur.gl imaluunniit mobil normuanut sianerluni: +4526394567

Søren L. Post ataasinngormat iluatsilluartumik Ph.d.-liaminik saqqummiussaqarpoq.

Blåhvilling ser således ud