*Required
*Required
*Required
*Required
*Required
*Required
*Required
*Required
Send
Thank you for your application!
 

Saarulleeqqat misissuiffigineqartut

Sisimiut eqqaanni saarulleeqqanik misissuinerit siunertaraat saarulliit sinerissap qanittuaniittut pillugit siunnersuinissamut paasissutissanik pissarsilluartoqarnissaa.

Ullaakkut nalunaaqutaq arfineq-marlunngungajalerpoq. Umiatsiaararlu imaanut aqqarneqarpoq, ippassaammat unnukkut Akullerni Oriumilu qassusersuutigisimasat aaneqaleramik. Seqinnerluni ullaaq alianaaqaaq, imaq qatsungaqaluni sunalu tamarmi nipaalluinnarluni. Peter, Hans Christinalu qassutinik amusiartorput, Sannamullu uterlutik. Sannamilu Tønnes Jørgenilu peqatigalugit qassutinik saliilerpugut. Saarulliit aalisakkallu allat immikkoortiterneqarput laboratoriamilu misissugassatut aaneqarlutik.

Signe, Inuk, Christina, AnnDortellu aalisakkat tamavimmik nalunaarsorneqarnissaat isumagaat. Taamaliornikkut ilisimaleratsigu aalisakkat sumi qangalu kiisalu qassutit suut atorlugit pisarineqarsimanersut.

Aalisakkat ataasiakkaarlugit imatut misissorneqartarput: qanoq angitiginersoq, qanoq oqimaatsiginersoq, ammarterneqartarpoq takuniarlugu angutiviaanersoq arnaviaanersorluunniit. Kinguaassiutaat oqimaalutarneqartarput, (assimi takuneqarsinnaapput saarullik angutiviaq kinguaassiutai tingualu sanianiitillugit assilineqarsimasoq) tingui oqimaalutarneqartarput, ilumioqarnanilu oqimaassusia uuttortarneqartarluni, qanoq utoqqaassuseqarnera paasiniarniarlugu sissii misissugassatut peerneqartarput, paperualu DNA-vanik misissuissutissatut ilanngalaarneqartarluni. DNA-vata misissorneratigut paasisarparput saarullik suminngaaneersuunersoq – kangerlummiuunersoq, avataaneersuunersoq imaluunniit Islandimeersuunersoq.

Videot assillu ataani takukkit: