Sanna Qeqertarsuup Tunuaniippoq Saqqummersinneqarfia 01.07.2021

RV Sanna ukiumoortumik Qeqertarsuup Tunuani qaleralinnik misissuileruttorpoq, ilisimatusartartoq biologeq Adriana Nogueira aqutsisoralugu. Qalerallit qanoq innersut qanorlu alliartortigisarnersut misissorneqartarpoq.

Misissuinermi qassutit tallimanik assigiinngitsunik nigartallit atorneqarput, qalerallit mikinerusut pisarineqarsinnaanngortussat qanoq amerlatiginersut paasiniarlugit anginerillu paasisaqarfiginiarlugit. Pisarineqartut assigiinngitsut akunnikkaartumik siornatigut pisarineqartunut assersuunneqartarput. Angalanermi qalerallit tamavimmik angissusiat, oqimaassusiat, suiaassusiallu misissorneqartussaavoq, sissiisigullu qanoq utoqqaatiginersut misissorneqartarlutik. Taamaasilluni ukioqatigiiaat qanoq amerlatiginersut paasineqarsinnaasarami, qalerallillu qanoq sukkatigisumik alliartortarnersut aamma paasinartarluni. Tusindtilikkaanik uuttortaasaqattaarnerit takussutissaqartilertarpaa qaleraleqassuseq qanoq innersoq.

Sissiit qaleralinneersut, saarullinneersut suluppaakkaneersullu katersorneqartussaapput. Aalisakkat misissugaanngitsut nalunaaqutseriarlugit imaanut utertinneqaqqittarput, aalisakkat angalaartarnerat annerusumik paasisaqarfiginiarlugu. Sannamiittut Ilulissani, Saqqami, Qeqertanilu tunisassiorfiit alakkartussaavaat, tunisat angissusii annerusumik paasisaqarfigerusullugit.

SANNA ukioq manna tamaani immap naqqanik saliinianngilaq, aalisaatinnilli annaasaqarsimaguit Sanna vhf-ikkut oqarasuaatikkulluunniit attavigisinnaakutsoorpat. Aammali paasissutissaateqaruit apeqqutissaqaruilluunniit attavigisinnaavaat uunga: rany@natur.gl

Qeqertarsuup tunuani qassutilerisut Frederik Bjare, Peter, Signe kiisalu Hans

Ilisimatussutsimut teknikeri Signe Jeremiassen, Adriana Nogueira kiisalu Frederik Bjare

Qaleralik uuttortarneqartoq

Signe Frederillu uuttortaasut

Adriana Nogueira Qeqertarsuup Tunuani misissuinermi aqutsisuuvoq