*Required
*Required
*Required
*Required
*Required
*Required
*Required
*Required
Send
Thank you for your application!
 

Suliffimmik misiliilluni pissarsinarpoq

Allattut: Winnie Ingemann aamma Dina Kristiansen.

Sisiuminngaanniik Nuummut Pinngortitaleriffimmut praktikkeriarluta aallarpugut, ataasinngorneq 11. oktober sulilerluta aallartippugut, 15. oktoberillu tungaanut praktikkerpugut. Sisimiunut 22. oktober efterårsferielaariarluta utissalluta. Pinngortitaleriffimmi immikkoortortaqarfiit tamaasa suliffigalugit misilippagut, ullut tamaasa immikkoortortaqarfik alla nuuffigisarlutigu.

Dina: Uanga isumaqarpunga Pinngortitaleriffimmi suliffimmik misiliilluni assut pissarsiaqarnartoq nuannerlunilu, assullu siunissamut ingerlariaqqinnissamik takorlooruminarnerulersitsilluni. Immikkoortortaqarfiit assigiingitsut misilillugit assut paasisaqarnarpoq, Inuit tikilluaqqusinerat nuannerpoq inuillu ilakkuminarlutik.

Pinngortitaleriffimmi suliffimmik misiliinissarput aalajangerparput pissutigalugu siunissami ilinniaqqinnissatsinnut paaserusukkatsigu ilumut uatsinnoornersoq, paasivarpullu soqutigalugu uumasulerineq.

Winnie: Peqqissiminngivataarpunga manna toqqarakku pissutigalugu qangali uumasulerineq soqutigigakku assullu pissarsiaqarnarpoq nuannerlunilu, inuillu tikilluaqqusinerat         inussiarnernerallu ersarippoq, siunissamullu ilusileeqataassaaq meeqqat atuarfiat naammassigukku sulererusulerninnut.

Aamma paasivarput aalisakkat ukiui kisinneqarsinnaasut qaraasaata iluaniittoq siunnamik taasagaat mikroskopimi misissorlugu paasineqarsinnaagami aalisagaq qanoq utoqqaatiginersut.

Nunamukartarpugut uumasut misissoriartorlugit siuteqqunik aallernikuuvugut sissamut taakkulu imiinnaq tarajuligarlu immikkoortillugit ikivagut paasiniarlugulu siuteqqut imermi minguitsumi tarajulimmiittumilu qanoq assigiinngissuteqartiginertut siuteqqullu taakkunani uumasinnaanersut, 1 time missaa tassaniitsippagut imermilu tarajulliimmiittut uummaarinnerusupput takuarput.

-Sisimiuniit Nuummukarnerput inissagullu nammineq akilerpagut saniatigullu Qeqqata Kommuneata 1500 kronenik billetsinut tapiisuullutik,  Sisimiuni Pinngortitaleriffeqannginnera pissutigalugu.

Sisimiunut 22. oktober efterårsferielaariarluta utissalluta. Sulifimmik misiliinitsinnit atuaqatigut ilinniartitsisorpullu social mediekkut tusartarpagut dagbog-inillu allaqatigisarpagut facetimertarpagut ullup qanoq innera suullu ilikkarsimanerlugit eqqartortarlutigu.

 

Avaleraasartuut saarulliillu ammartiterpagut nerisai ilormiuilu misissorlugit, sissiilu misissorlutigit qanoq sivisutigisumik uumasimanersut paasiniarlugit. Tamarmik oqimaassusii, orsoqassusii angissusiilu paasiniarlugit paasissutissallu anillatseriarlugit siissii puumut ilillugit allamullu suliassanut ingerlateqqinneqartarput qanoq sivisutigisumik uumasimanersut paasiniarlugit.

Ammassaat Upernavimmi 2020-mi pisat Pinngortitaleriffimmut nassiunneqarnikut aammalu Pinngortitaleriffiullu nammineq misissugassatut katersorsimasaat sutorsimanersut misissorpagut. Quajaatinik mikisuaqqanik nerisarput taakku mikroskopikkut takuagut.