*Required
*Required
*Required
*Required
*Required
*Required
*Required
*Required
Send
Thank you for your application!
 

Raajat ikinnerulaartut 2023-mi pisarineqarsinnaasussaapput Saqqummersinneqarfia 03.10.2022

Kitaani raajat 110.000 tonsit 2023-mi aalisarneqarsinnaassapput. 2022-mi siunnersuinermut sanilliullugu 5.000 tonsinik ikinnerusunik raajanik aalisartoqarnissaanik biologit siunnersuipput. Tunumi 2023-mi 2.000 tonsinik, 2022-mut sanilliullugu 1.000 tonsinik ikinnerusunik, raajanik aalisartoqarnissaanik siunnersuisoqarpoq. Siunnersuutit, Kalaallit Nunaanni tonsinik qanoq amerlatigisunik raajanik pisassiisoqarnissaanik killiliussisut, Naalakkersuisunut tunniunneqareerput.

Ilisimatusartartut naatsorsuinerisa takutippaat Kitaata raajaanik piujuaannartitsiniartumik raajarniartoqartoq raajallu amerlassusaat aalaakkaasorujussuusoq. Taamaakkaluartoq raajanik amerlanerusunik nerisaqartussanik saarulleqarnerulernissaa ilimagineqarpoq. Tamatumalu saniatigut ilimagineqarpoq peqassutsimit ilanngaataasinnaatitaasunit (TAC-mit), 2021-mi pisassiissutinit nuunneqarsimasunit, raajat 5.000 tonsinik amerlanerusut 2022-mi pisarineqassasut.

Tamatuma kinguneranik ukiumi tassani uumasoqatigiiaat ilanngarnerpaaffigisinnaasaata 43 %- imik qaangerneqaratarsinnaassaaq.

Tunumi 2022-mi raajaqassutsip oqimaassusinngorlugu pitsaanerpaaffigisinnaasaanit raajakinneruvoq, raajallu ilanngarneqarnerpaaffigisinnaasaminnit amerlanerusunik ilanngarsimallutik. Aalisartoqarpallaarsimanngimmat aalisarnermi pisat oqimaassusiisa sumiiffimmi tassani uumasoqassuseq sunniivigisassagaat qularnarpoq. Tamatuma saniatigut 2020-mi 2022-milu peqassutsimik oqimaassusinngortitsilluni misissuinerit 2014-imiillu aalisartut Tunumi Dohrn Bankemi sumiiffimmi annikitsuinnarmi pisimapput.

Paasisaqarnerunissamut attavissaq: Aalisakkat qaleruallillu pillugit immikkoortortami siunnersortaaneq, AnnDorte Burmeister, tlf. +299 361200 imlt. mail: anbu@natur.gl.