Aarluarsuup nunat pingasut tikittarai Saqqummersinneqarfia 11.10.2022
Atlantikup sineriaani uumasut annerit qanoq uumanerat ataqatigiiffeqarnerallu annerusumik paasinarnerulertussaassaaq. Ilisimatusarneq nunanit tamalaanit peqataaffigineqartoq, TOPLINK, ilisimatusarneruvoq Pinngortitaleriffimmeersunik, Islandimeersunik Savalimmiuninngaaneersuniillu peqataaffigineqartoq, taakkualu aarluarsuit mikisut sisamat qaammataasanut nassitsissutilersorpaat. Qaammataasakkut nassitsissutit Savalimmiuni kangerliumanermi ikkussorneqarput ulloq 3. september 2022. Nassitsissutit marluk ajoraluartumik annaaneqarsimapput, qaammat ataaseq qaangiutereeraluartoq nassitsissutit marluk suli sumiinnerminnik nalunaarsuerujoorput.
Aarluarsuk atlantikup avannaatungaamiuusoq pillugu ilisimatusartut annikitsuaqqamik ilisimasaqarput. Taamaattumik pissanngatigineqaqisumik qaammataasakkut nassitsissutit ikkussorneqarsimapput. Tupaallaatigineqartumik aarluarsuit ikkussiffigineqartut tamarmik sumiiffinnut allamut ingerlaalersimapput. Kimmut aallartup qaammatip ataatsip qaangiunnerani Tunumi Nunatta imartaata itisileriarfia tikissimalersimavaa. Ikkussiffigisat marluk sapaatip akunnera ataaseq qaangiutiinnartoq attaveerussimapput. Sisamaat suli qaammataasakkut nassitsissutilik maannakkut aamma Nunatta Tunuata imartaanut ingerlaarpasippoq.
”Aarluarsuit ingerlaarnerat pernaammik uppernarsaatilersukkamik Atlantikoq ikaarlugu Savalimmiuniit Nunatta imartaanukarnerat malinnaaffigineqarput. Aatsaavissuarlu uppernarsarneqarpoq aarluarsuit Atlantikut avannaaniittut Nunatta, Islandip, Savalimmiullu ataatsimoorukkaat” Sara De Clerck, PhD-nngorniarluni ilisimatusartoq misissueqqissaagassanillu katersisuusoq uumassuseqassutsillu ataqatigiiffiini aarluarsuk qanoq inissisimasuunersoq paasiniarlugu paasissutissanik sukumiinerunik katersisuusoq oqarpoq.
Aarluarsuit ingerlaarnerat uani malinnaaffigineqarsinnaavoq:
https://my.wildlifecomputers.com/data/map/?id=6314cf52e9b3515c2e295616
Suliniut TOPLINK Pinngortitaleriffiup Savalimmiunilu Immamut tunngatillugu Ilisimatusarfiup suleqatigiissutigaat. Savalimmiuni Ilisimatusarnermut tunngatillugu Siunnersuisoqatigiit (https://www.gransking.fo/en/home/) suliniummut aningaasaliisuupput.
Aarluarsuk sukumiinerusumik paasisaqarfigineqarsinnaavoq uani:
https://nammco.no/atlantic-white-sided-dolphin-2/#1478700043369-833c5ccc-7441
Sukumiinerusumik paasisaqarniaraanni attavissat:
PhD-nngorniaq Sara De Clerck, sadc@natur.gl, +298259108
Immikkoortortami pisortaq Bjarni Mikkelsen, bjarnim@hav.fo, +298278588
Immikkoortortami pisortaq Fernando Ugarte feug@natur.gl +299 522401
Ilisimatooq Mads Peter Heide-Jørgensen, mhj@ghsdk.dk +4540257943
