Aqerlut 1 tons qallorneqarput Saqqummersinneqarfia 09.02.2023

Qassutit ningittakkallu kiloterialuppassuit qallorneqarput
Tromlen ved at være fyldt op -Amusivik ulikkaalersoq
Flere kilometer garn ryddet fra havbunden - Qassutit ningittakkallu kilometerialuppassuit qallorneqarput
Test
Forsker Rasmus Nygaard har stået for ansøgninger og gennemførelser af oprydningerne - Ilisimatusartartoq Rasmus Nygaard qalluinissamut aningaasassarsiornermullu aqutsisuusarpoq
Garn og langliner hejses op fra havets bund - Qassutit ningittakkallu imaaniit qallorneqartut
Inuk Berthelsen
Bøjer bliver mast ved havets bund - Puttaqutit immap naqitsinerani ninittarput
Sanna blev brugt til at rydde fiskeredskaber fra havets bund - Sanna angallatigalugu qassutaarsiutinik qalluisoqarpoq
Kristian Olsen og Inuk Berthelsen har også deltaget i Naturinstituttets kulturnatsarrangement - Kristian Olsen Inuk Berthelsenilu Pinngortitaleriffiup kulturit unnuani aaqqissuineranut peqataapput

Sanna’p aalisartut suleqatigalugit ningittakkat 12 kubikmeterit, qassutit 10 kilometerit aqerlullu 1 tonsit ukiuni kingullerni pingasuni qallorsimavai.  Immap naqqanik saliilluni qalluinerit maannamut Torsukattammi, Qeqertarsuup Tunuata sinnerfani aammalu Nuup Kangerluani ukiuni 2020, 2021 aammalu 2022imi ingerlanneqarsimapput.

Sanna 2020imi Qeqertarsuup Tunuani ulluni qulinngiluani immap naqqanik saliilluni qalluisimavoq.  Saliinerni tassani qassutaarsiutit 3,8 kilometerit, ningittakkallu 4 kubikmeterit missaat, kilisaatit wirerii sisamat, aquuteralak, puttatitsissutit savimerngit sisamat, allunaasarsut, puttaqutit, kisallu qallugaanut ilaasimapput. Qalluinermi lastbiilersuit containeriat ammasoq ulikkaarlugu, karsersuillu 1.000 literikkaat arfineq-marluk ulikkaarneqarsimapput. Aqerlullu katersorneqartut 686 kg aamma qaqinneqarsimapput.  Suliniut taanna Avatangiisinut Aningaasaateqarfimmit aningaasaliffigineqarsimavoq.

Sanna 2021imi Torsukattammi eqqaanilu ulluni pingasuni aamma qalluisimavoq. Katillugillu qassutaarsiutit 2 kilometeritut takissusillit, ningittakkallu 1 kubikmeterit, (karsersuaq ulikkaarlugu) qaqinneqarsimapput. Taakkua saniasigut qassutit katillugit 2 kilometerinik takissusillit aalisartut ikkattumut kalissimasaat puttaqummillu nalunaaqutsersimasaat qaqinneqarput. Aalisartoq piniartorlu Boje Lange SQAPK-meersoq saliinermi peqataavoq. Suliniummi tamatumani Nunatsinni Ilisimatusarnermik Siunnersuisoqatigiit aningaasaliisuupput.

Nuup Kangerluani Qeqertat akorngini TertiimiIu 2022mi ullut pingasut affarlu atorlugit qassutaarsiutinik qalluisoqarpoq. Tassani pullatit 15it, minnerpaamillu qassutit 2 kilometerit, ningittakkallu 7 kubikmeterit missaannik annertussuseqartut qaqinneqarput. Qooqqut eqqaanni pullatit allat qulit qaqinneqarlutik. Aqerlullu katillugit 375 kg missaat immap naqqaniit qaqinneqarput.  Aalisartut Kristian Olsen, Inuk Berthelsen-ilu aalisartut piniartullu peqatigiiffiannit Neqitaq-meersut saliineq tamakkerlugu peqataapput.

Ukiuni taakkunanii pingasuni qallorneqarput:

  • Qassutaarsiutit 10 kilometerit missaat
  • 25 pullatit
  • 12 kubikmeterit ningittakkat
  • Aquuteqarak ataaseq
  • Puttatitsisssutit saviminersuit 4
  • Allunaasat
  • puttaqutit
  • kisat il.il.
  • 061 kg aqerlut

Suliniut siulleq Avatangiisinut aningaasaaqarfimmit aningaasalerneqarsimavoq, kingornalu qassutaarsiutinik qalluinerit Nunatsinni Ilisiamtusarnermik Siunnersuisoqatigiinnit aningaasaliiffigineqarsimavoq. Aalisartoq piniartorlu Boje Lange SQAPK’meersoq Torsukattammi qallueqataasimavoq, Nuup Kangerluani qassutaarsiutinik qalluinermi aalisartut Kristian Olsen aammalu Inuk Berthelsen Neqitaq’meersut qassutaarsiutinik qallueqataasimasut.

 

Rasmus Nygaard’ip videoliaa uani isiginnaarneqarsinnaavoq: https://youtu.be/AXYaQUsoVJI

Qassutaarsiutinik qalluineq aamma ukunani allaaserineqarsimasoq atuarsinnaavat www.oceandecade.dk aammalu www.polarfronten.dk