Klaus Nygaardip naggataarnersiornera Saqqummersinneqarfia 01.09.2023

Ukiut 30-t sinnerlugit Pinngortitalerimmi pisortaareerluni Klaus Nygaard soraarpoq
Saamerlermiit: Nunalerinermut, Imminut Pilersornermut, Nukissiutinut Avatangiisinullu Naalakkersuisoq Kalistat Lund, Pisortaatut soraartoq Klaus Nygaard, kiisalu Leif Skov, Aage V. Jensenip aningaasaateqarfianiit
Pinngortitaleriffiup siulersuini siulittaasoq Gert Mulvad oqalugiartoq
Josephine Nymand Pinngortitaleriffimmi 1. sept. pisortanngortussaq
Klaus Nygaardip Leif Skov, Aage V. Jensenip aningaateqarfianeersoq tikilluaqquaa
Nunalerinermut, Imminut Pilersornermut, Nukissiutinut Avatangiisinullu Naalakkersuisoqarfimmi departementchef Natuk Lund Jensen oqalugiartoq
Helle Siegstad Pinngortitaleriffimmi aalisakkanut qalerualinnullu immikkoortortaqarfimmi pisortaq
Leif Skov, Aage V. Jensenip aningaasaateqarfianiit oqalugiartoq
Ilisimatusartoq Jesper Boje oqalugiartoq
Leif Skov Aage V. Jensenip aningaasaateqarfianeersoq Aqqaluk Lyngelu oqaloqatigiittut
Nunalerinermut, Imminut Pilersornermut, Nukissiutinut Avatangiisinullu Naalakkersuisoq Kalistat Lund aamma Klaud Nygaard

Ukiut 30-t sinnerlugit Pinngortitaleriffimmik pilersitseqataalluni, ilusilersueqataalluni pisortaasimasoq, Klaus Nygaard, sisamanngornermi 31. august naggataarnersiortinneqarpoq.

Sulilluarsimaqisumut qujaniartunik oqaaseqartoqaqaaq. Ilaatigullu qujassuteqarlutik oqalugiartuupput Pinngortitaleriffimmi siulersuini siulittaasoq Gert Mulvad, Nunalerinermut, Imminut Pilersornermut, Nukissiutinut Avatangiisinullu Naalakkersuisoq Kalistat Lund, departementchefilu Natuk Lund Olsen.

Aage V. Jensenip aningaasaateqarfianit Leif Skov ukiorpassuarni tatiginarluinnartumik angusaqarfiulluartumillu suleqatigiilluartarsimanerminnut qujassuteqarpoq, saniatigullu, timmissat pillugit ilisimatusaqqinnissamut suliniummut 6 mio.kr.-inik aningaasaliissuteqaqqinnertik tusarliuppaa.

Klaus Nygaardip suliassanik aallartitsigaangami, torersumik, tatiginartumillu suleriuseqarnera oqalugiartut immikkut maluginiarsimallugu oqaatigivaat, taamaattuuneratalu nangaassuteqanngitsumik suliniutinut aningaasanik taperneqartarneranut tunngavilersuutigalugu. Tamannarpiarlumi aamma peqqutaavoq, ullutsinni Pinngortitaleriffiup illutaasa, ilisimatuussutsikkut angallataasa nutaaliaalluartut, nunanit tamalaanit ilisimatusartunit ajukkunnanngilluinnartumik atorneqarsinnaanngorlugit pilersinneqarsimanerat.

Klaus Nygaardip ilisimatusartut pikkorilluinnartut, suleqatillu tamarluinnaasa angusimasaminut qutsavigai, taakkoqanngippammi tamaanga killittoqarsimassanngimmat. Minnerunngitsumillu Aage V. Jensenip aningaasaateqarfia ukiorpassuarni aningaasarpassuarnik tapiisarsimaneranut qutsavigivaa.