Qimusseriarsuarmi misissuisoqalersoq Saqqummersinneqarfia 03.10.2023

Raajat immap naqqani
Qimusseriarsuup avannaatungaani aappaluttumik nalunaaqutsikkami immami misissuisoqalerpoq

Suliniummi paasiniarneqartussaassapput tamaani aalisakkat, naasuaqqat tappiorannartut aammalu Qimusseriarsuarmi immap naqqani uumasut suuneri. Taamaattumik angalanissatsinnut tulluarsakkamik teknologi pitsaalluinnartoq atorlugu immap naqqanik misissuisussaavugut. Uumasoqatigiiaat arlallit sukumiisumik misissuiffigineqartussaallutik periuserineqartorlu atorlugu naatsorsorneqarsinnaassaaq raajaqarfiit qaleraleqarfiillu ullumikkut aalisarfigineqarneq ajortut siunissami sumiilersinnaassanersut. Tamannali angussagutsigu misissuiffigisariaqarpagut:

  • Raajaqassuseq qaleraleqassuseq aammalu aalisakkanik allanik peqassuseq
  • Immap naqqani naasut assigiinngiiaassusiat. Tassani qamutaasat videoliummik ikkussiffigineqarsimasut atorlugit immap naqqani uumasunik assiliisoqartarpoq.
  • Nerisassaqassuseq naatsorsorniarlugu naasuaqqanik tappiorannartunik immap naqqani qanoq pinngorartitsisoqartiginersoq, taavalu immaminngaaniit misissugassanik tigoraasoqartassaaq, immami itissutsini assigiinngitsuneersunit.
  • Immap kissassusia, tarajoqassusia itissutsimilu immap annertussusia uttortarneqartassapput.
  • Immap naqqa assersuutigalugu ujaraqarnerunersoq, marraanerunersoq sioraanerunersorluunniit paasiniarneqassaaq. Aammalu multibeam atorlugu immap naqqa assiliorneqartussaalluni.

 

Diana W. Krawczyk aammalu

AnnDorte Burmeister

Pinngortitaleriffik