Sermersuup aakkiartornerata titartaganngortinneqarnera Saqqummersinneqarfia 01.02.2023
Kalaallit Nunaat qeqertarujussuuvoq sermersuarmik qalleqqasoq, sermersuarlu nunarsuarmi sermeqarfiit annersaannut tullersortaavoq. Sermersuaq silap allanngornerinut sunnerterujussuartarpoq. Sermersuup kingullermik annertunerpaaffiani (ukiut 21.000it matuma siornatigut) sermersuaq immap itileriarnerata tungaanut killissimagaluarpoq. (Nunatta nunataata qaarsuata immap naqqani killiffiata nalaani). Taamanikkumiillu ukiut 12.000it matuma siornatigumiit sermersuup angissusia annertussusaalu 40%inik aakkaluttuinnarnermigut millisimavoq (deglaciation’imik taaneqartartumik).
Pinngortitaleriffimmi silap allanngoriartornerata soqutigineqaraluttuinnarnera nalunagulu ilisimavarput, ingammik Kalaallit Nunaata eqqaani issittumilu annertuumik allanngoriartortoqarami, inuiaqatigiinnilu silap allanngoriartornerata ilisimaarilluarneqarnerulernissaanut tunniusseqataarusuppugut. Suliatsinnilu ”Kalaallit Nunaat aappoq – titartaganngorlugu”-mi ilisimatusarneq, ilinniagaqarneq digitalimillu eqqumiitsuliorneq ataatsimoortillugit oqaluttualiorpugut . Qanga siuliini silap allanngoriartornerani Kalaallit Nunaanni sermersuarmut annertuumik sunniuteqarsimaneq, ingammillu ukiut 12.000it matuma siornatigut aassimanerujussua ttakutinniarneqarpoq. Kalaallit Nunaanni pinngortitap nukittussusia takusassiaraarput sermersuullu ukiut tusindtilikkaat ingerlanerini nunamik ilusilersuisimanera takutillugu.
Ilisimatuussutsikkut ilisimasat najoqqutaralugit silap allanngoriartornera videotigut spil-itut isikkulerlugu suliarineqarpoq, sermersuullu aakkiartornera nutaaliaasumik eqqumiitsuliorpalaartumilli takusassiarineqarpoq. Taamatut ilisimatuussutsikkut eqqumiitsuliornermi ukiuni qulikkaani arlalinni ilisimatusarnernit ingerlanneqarsimasunik nunani tamalaanit inuttalersukkanik, satellitsikkullu assilisarpassuarnik atuilluni inuppalaartumik ilisimatuusutsikkut paasissutissiinertut una suliarineqarpoq.
Titartaganngorlugu YouTube’imi takusinnaavat uani: https://youtu.be/7lay77hw9bk
