Miki’p Pinngortitaleriffimmi praktikkernera Saqqummersinneqarfia 03.05.2024

Sissiit aarluaarsuup qaqortumik qingallip aqajaruaniittut
Sissiit imaattunut poortorneqartarput
Aarluaarsuup aqajarormiui
Amikut pussui
Nipisanut qassutit imaariartorigut
Qeerarujussuaq qassutinut pulasimasoq assaa kivikkakku oqimaalaaq
Nipisaat suaat nipisaallu
Ujaqqat Ivittuuniit umiatsiaasivimmi misissorneqartussat
Nunatsinni Lupinit siaruaassimanerat misissorpara - aajuna Qassiarsunni assilisaq
Ilisimatusartut ataatsimiittut

 

Uanga Miki Kristiansenimik ateqarpunga 14-inik ukioqarpunga sisimiunilu Minngortuunnguup atuarfiani 9 klasserpunga.

Mikisuullungali pinngortitamut  avataarsuarmullu soqutiginnittuaannarnikuuvunga atuakkanik assigiinngitsunik atuartarlunga. Praktikerfissarsiorlunga pinngortitaleriffiup nittartagaani praktikkerneq atuarlugu pileritsaakkama, qujanartumik sivisunngitsup iluani akuerisaavunga.

 

 

Ulloq siulleq 23/4 2024

Tikilluaqqusaavunga takornariartitaalaarlunga, ulloq siulleq klima immikkoortuaniippunga, aallaqqaammut ikiutaallunga containerinik silaannarissarfileeqataallunga. Ullupqeqqata kingorna tuttut pillugit saqqummiisuni peqataavunga, klima aamma naapinnerani peqataalaarpunga. Saqqummiinerit ingerlanerini tupigusulaarpunga qanoq itisiliitiginersut suliaminnut.

 

Ulloq tullia pingajuallu 24-25/4 2024.

Miluumasut timmissallu immikkoortuaniillunga arferit tunuminngaanneersut nerisimasaat misissorpagut ass. arluarsuit qaqortumik siggullit/ hvidnæsen nerisimasai mississorpagut. Nerisimasaanni aalisakkat sissii amikuillu kigutai immikkoortiterlugillu kisippagut. Nuannertortarivaa aalisakkat sissii atorlugit aalisakkap suunera angissusaa ukiuilu naatsorsorneqarsinnaammata.

 

Ulloq sisamassaa 29/4 2024.

Aalisakkanik misissuisut immikkoortuaniillunga aalisakkat sissii misissorpakka. Aalisakkat sissii qeqqatsigut aveqqasut misissorlugit aalisakkat ukiui msisissorpakka, aallaqqaammut unammillernalaariarluni ilikkariartorpara. Pinngortitaleriffiup aalisakkat sissiinik katsersiviat aamma takuara, sissiit ukiut amerlasoorpassuit katersukkat takuakka.

 

 

 

Ulloq tallimassaa 30/4 2024.

Umiatsiarluta pinngortitaleriffiup umiatsiaarata ilaanni Avataq kangerluup qinnguanukarpugut. Taqqamani imermik uuttugassanik itisussusiniik assigiinngitsuniit tigusivugut, itissutsit 5-imiik 600 meterit tungaanut  tigusivugut. Net’sersuaq atorlugu aamma uumasuaqqat tappiorannartut 100 meteriminngaak tiguagut. Silaginnerpaanngikkaluaq assut nuannerpoq

 

Ulloq arfinilissaa 1/5 2024.

Ullumi aamma umiatsiarpugut, ilamma ulluni siuliini nipisanut qassutinik ikkusisimapput. Qassutit taakkua aavagut, qassutit siulliit nipisanik ulikkaarpoq, aalisakkat tamarmik uuttorpagut takissusai allattorlugit, qassutini siullerni pisagut aalisartunut tunniuppagut. Qassutit tullii nipisaannarnik pisaqanngillat, aamma qalerallit, eqalussuup nulia, saarulliit, qeeqqallu. Ullumi assut silagippoq seqinnarilluni anorlerpiaranilu

 

Ulloq arfineq marlussaa 2/5 2024.

Ullumi miljø immikkoortuaniippunga. Siullermik pinngortitaleriffiup umiatsiartaasivianukarpugut takanani miljø immikkoortuat misissuisarfeqarmata. Takanani ujaqqat ivittuuni tigorakkat piareersarpagut. Ullupqeqqata kingorna google maps atorlugu misissorpakka illoqarfiit nunaqarfiillu suut naasoq Lupin pigisinnaaneraat.

 

Ulloq kingulleq 3/5 2024.

Ulloq kingulleq komunikationimiippunga, tassani pinngortitaleriffiup qanoq nittartagaa sooq atornersoq soorlu pingaaruteqarnersoq eqqartulaarpaat. Naggataamik qarasaasiamik tunivaannga ulluni praktikkerninni allaaserinniffissannik.

 

Pinngortitaleriffimmi praktikkernera assut ilinniarfiullunilu naapitaqarnarpoq. Praktikkernera maani assut nuannaraara misissuisaqattaarlunga paasisaqarlungalu nutaanik nuannarigakku.

Qujanarujussuaq Kalaallit nunaanni pinngortitaleriffimmut