Suliffimmik misiliilluarneq Saqqummersinneqarfia 16.02.2024
Pablomik ateqarpunga 14inik ukioqarpunga Ilulissani Mathias Storchip atuarfianeersuuvunga. Pinngortitaleriffimmi sulillunga misiliivunga. Maaniikkusussimavunga nunatsinni uumassusilerineq, uumasut ujaqqallu soqutigisarigakkit. J
Ullormi siullermi Avatangiisinut Aatsitassanullu immikkoortortaqarfimmiippunga. Puisinut tunngatillugu immersugassamik suliaqarpunga. Inuit immersuinnarsinnaasaannik soorlu puisi sumi pisarisimanerlugu, qangalu pisarisimanerlugu allariaannanngorlugu. Ullup qeqqata kingorna ilisimatusartoq peqatigaara, taassuma ujaqqat seqerngup qinngorneranik ulorianaateqalersinnaasut misissugarai. Umiatsiaasiviliarluta ujarappassuit suliai takuniarpaugt. Ujaqqani qernertortaaqqat piiartarpai, sapaatip akunnerisa arlallit ingerlanerini skåliaraq taakkuninnga ulikkaarniartarpaa, nuannerunaqaaq. Pinngortitami ujaqqat katersornissaat nuannarilluinnarakku ujaqqanik suliaqarneq nuannaraara. Umiatsiaasivimmiit ingerlavugut filterinik ujarlerluta, nassaannginnattali Pinngortitaleriffimmut utiinnarpugut. Immikkoortortaqarfiup pisortaanut Kaalimut iserama ullormut misigisakka allattorpakka, aatsaammi sapaatit akunneri marluk qaangiuppata ilinniartitsisunnut takutittussaagakku maaniinninni sulerisimanerlunga. Taava ulloq siulleq piareerpara. Map ujaqqallu ulorianaateqarsinnaasut soqutiginaqaat.
Ullup aappassaani aalisakkat siunnaallu suliaraakka. Aalisakkap angissusaa oqimaassusaalu uuttortartarparput, suiaassusaalu suunersoq paasiniarlugu, taava siunnai piiartarpagut. Nuannerlunilu maajunnaasalaarput, qarasaasali ammarnissaat nalunalaarpoq, paasissutissartai qarasaasiamut allattortarpagut, siunnaalu poortorlutigit. Vi gjorte det nok 18 gange før vi kunne tage Ullup qeqqartinnagu immaqa 18eriaq taamaaliorpugut. Ullup qeqqata kingorna Lars laboranteq ornippara, taassuma siunnaat suliarisarpai, aalisakkap ukiui misissorpakka, Pinngortitaleriffiullu umiarsuaaraanut Sannamukaqataallunga. Uteratta aalisakkat qanoq uumasimatiginersut misissoqqippagut, aalisagaq ukiuni arfineq-marlunni uumasimagaangami taava ukiumut titarneri marlunngortartut paasivara. Ullorlu taanna soraartinnanga aalisagaq qanoq uumasimatiginersoq aamma nammineq misissorpara.
Ullut pingajuanni miluumasunut timmissanullu immikkoortortamiippunga, puisip aqajarua ammarterpara, anarsunnikujupput naavi, paasivara nerisaat seernartumik sakkortuumik arrortinneqartartoq, taamaammallu aqajaroq ameraasamik mattusumik seernartumut illersuuteqarpoq. Puisi sutorsimanersoq qassinillu miluuttunik peqarnersoq misissorparput. Siulleq naamini miluuttunik 10%imik peqarpoq, tulliuttut marluk 5% missaannaani miluuttoqartut. Ullup qeqqareeratta miluumasunut timmissanullu immikkoortortamukarpunga. Tassani Aili naapippara, taanna timmissanik ilisimatusartuuvoq. Nassuiaatigaa appa nunatsinni timmissat pingaarnersarigaat. 1980kunnilu ima pisarineqartarsimatigaat aallat ikileriarujussuarsimallutik. Appa ukiumut ataasiinnarmik manneqartarpoq, taamaattumik ataasinnaarmik manniliisarpoq, piararlu sapaatit akunnerini pingasuni sisamaniluunniit uumareeraangami innami sumiiffimminiit avammut pissittussaavoq, angajoqqaaminullu aarsaartussaassalluni, aarsaanngikkuni qaarsumut torujussuarluni toqusussaagami, aarsaarunilu imaanut tulluni annattussaavoq. Appa inersimasoq uummaannarsinnaasarpoq piaqqaminngarnik misilittagaqarnerugami, piaqqammi qanoq nerisassarsiorsinnaanissani ilinniaqqaartariaqaramiuk, inersimasup nalunngereertarpaa nerisassarsiornissaq timmisinnaallunilu. Tamakkua nassuaatigereeramigit Ailip suliassippaanga. Asserli angisooq tamakkerlugu kisinnissaa angumerinaviannginnakku assimik allamik nassaassuppaanga. Pingasut tungaannut kisitsivunga 389it nassaaraakka, kingulleq aamma nassaaraara 390isussaammatami. Taava ulloq taanna soraarpunga.
Ullut sisamassaanni fysik, kemi imaluunniit matematik sammivagut, laboratoriamimi sulissagaanni taakkua ilisimasaqarfigisariaqaramik. Siullermik qanoq sulisarnerlutik oqaluttuuppaannga, sulerisarnerlutillu. Seernartoq sakkortooq svolv syrelu atorlugit imaq akuarput, ulloq taanna sukkangaarmat akunnerit amerlanerit laboratoriamiikkusukkaluarpunga. Ullup qeqqata kingorna Bror ornippara, taamatumma taagoramikku. Sissaliarpugut batterii angisooq aallugu igitassalllu containerimiittut aallugit, taava sissami pisiniarfik, Stark, Davidsen, umiatsianik tuniniaavik umiatsianilluunniit iluarsaassisarfik, ikuallaavillu orneriarlugit Pinngortitaleriffimmut uterpugut. Ulloq taanna nal. 14.30 soraarpunga.
Ullut tallimassaanni ukua allappakka, sapaatip akunnerata ingerlanerani sulerisimanerlunga, suullu Aili-mit, Larsimit, aalisakkanik ilisimatusartunit qanoq ateqarnersunit, kemikalianillu suliaqarlutik laborantinit Else aamma Kathrinemit ilinniartitsillutik ilikkagaqartitsinerannut qujallunga matumuuna oqaluttuarpunga.
